އެ ރަށު ކައުންސިލުގެ ނައިބް ރައީސް ސީއެންއެމްއަށް ވިދާޅުވި ގޮތުގައި ގާތްގަނޑަކަށް އުމުރުން 65 އަހަރުގެ އެ ފިރިހެން މީހާ ރަށުގެ ނެރުކައިރިއަށް ގެނބިގެން އުޅެނިކޮށް ފެނިފައި ވަނީ ރަށުގެ ދެ ޒުވާނަކަށެވެ.
އިޝާ ނަމާދު ފަހުން އެހާދިސާ ހިނގައިގެން އުޅުނު މަންޒަރު ފެނުމާއެކު އެމީހުން ވަނީ އެމީހާ މޫދުނ ނަގާއި ސިއްްހީ މަރުކަޒަށް ގެންގޮސްފަ އެވެ. އެތަނުގައި އެވަގުތު ހުރި ފުލުސް މީހާއާ ހަވާލާދީ ނައިބް ރައީސް ވިދާޅުވީ އޭރު ވެސް އެމީހާ ނޭވާލާ ކަމަށެވެ.
އަދި ސިއްހީ މަރުކަޒަށް ގެންދިޔައިރު ވެސް މަރު ނުވާ ކަމަށާއި މަރުވެފައި ވަނީ އެރަށު ސިއްހީ މަރުކަޒަށް ގެންގޮސް އިތުރަށް ފަރުވާދޭން ފެށި ފަހުންނެވެ.
ނައިބް ރައީސް ވިދާޅުވި ގޮތުގަައި އެމީހާއަކީ އާންމުކޮށް ރޭގަނޑު ވެސް މޫދަށް ގޮސް ހަދާ މީހެކެވެ. އެކަމަކު އެމީހާ ސީދާ ބަނދަރަށް ވެއްޓުނީކަން ބުނަން ނޭނގޭކަން ވެސް ފާހަގަކުރެއްވި އެވެ.
އެ މައްސަލަ ފުލުހުން ވެސް ދަނީ ބަލަމުންނެވެ.
