އެހެންނަމަވެސް ލަވަ ރިލީސްކުރުމާއިއެކު ނަސްލީ ތަފާތު ކުރުން ދޭހަވާ ގޮތަކަށް މަޝްހޫރު އިންޓަނޭޝަނަލް ލަވަކިއުންތެރިއެއްގެ ނަން ހުއްދައަކާއި ނުލާ ބޭނުން ކޮށްފައިވާތީ އާއްމުންދަނީ ސޯޝަލް މީޑިއާގައި ވަރަށް ބޮޑަށް ފާޑުކިޔަމުންނެވެ.
އަނަންޔާ ޕާންޑޭ އަދި އިޝާން އަކްތަރް އެކްޓް ކޮށްފައިވާ އެ ލަވައިގައި "ދޮންކޮޅާ، ކަލާ ފެނިފައި ބިޔޯންސޭ ވެސް ލަދުގަންނާނެ" ކަމަށް ބުނެފައިވާ ކަނޑިއަށް ޕޮއިންޓްކޮށް އެ ޖުމުލައަކީ އިންޓަނޭޝަނަލް ލަވަކިއުންތެރިއެއްގެ ނަން ބޭނުންކޮށްގެން ކަޅު ނަސްލަށް ކުޑައިމީސް ކުރުން ކަމަށް ބުނެ އެކަމުގެ ސަބަބުން ގާނޫނީ ގޮތުން އެ ލަވައާއި މެދު ފިޔަވަޅު އަޅާފާނެ ކަމަށް ރިޕޯޓްތައް ބުނެއެެވެެ.
އަދި ވަކިން ހާއްސަކޮށް ބިޔޯންސޭގެ ނަމަކީ ޓްރޭޑް މާކް ކުރެވި ބޭނުން ކުރެވެމުންދާ ނަމަކަށްވުމާއި ކަޅު ނަަސްލާއިމެދު ކުރެވޭ ތަފާތު ކުރުންތައް ނައްތާލަން މަސައްކަތް ކުރުމުގެ ގޮތުން "ބްލެކް ލައިވްސް މެޓާސް" ގައި ބިޔޯންސޭ ބައިވެރިވަމުން ދިއުމާއި ގުޅިގެން ލީގަލް މައްސަލަތަކެއް ބިޔޯންސޭގެ ފަރާތުން ވެސް ފެންމަތިވެދާނެ ކަމުގެ ބިރުވަނީ ބޮޑުވެފައެވެ.
އެހެންވުމުން އެ ލަވައިގެ ލިރިކްސް ބަދަލުކުރުމުގެ މަަަސައްކަތް މިހާރު ދަނީ ކުރެވެމުން ކަމަށް ރިޕޯޓްތައް ބުނެއެވެ.
މިލަވަ ރިލީސްކުރި ދުވަހުން ފެށިގެން މިހާތަނަށް 6.7 ލައްކައަށްވުރެ ގިނަ ޑިސްލައިކް ލިބިފައިވާއިރު އެ ސަބަބުތަކާއި ހެދި "ކާލީ ޕީލީ" ޓީޒާއަށްވެސް ވަނީ 1.7 މިލިއަނަށްވުރެ ގިނަ ޑައުންވޯޓް ލިބި ފާޑުކިއުން އަމާޒުވެފައެވެ.
