މިމަހުގެ 14 ވަނަ ދުވަހު އިންސްޓިޓިއުޓް އޮފް ޗާޓަޑް އެކައުންޓެންޓްސްއަށް މެމްބަރުން އައްޔަންކުރިއިރު ދާންދޫ ދާއިރާގެ މެމްބަރު ވެސް ވަނީ އެ ކައުންސިލަށް އައްޔަންކޮށްފަ އެވެ. އެއާއެކު ޔައުގޫބްގެ މަޖިލީހުގެ ގޮނޑި ގެއްލިފައިވާކަމުގެ ސުވާލުތައް އުފައްދަމުންދަނިކޮށް އޭނާ ވަނީ ކައުންސިލުން އިސްތިއުފާދީފަ އެވެ.
އެކަމާއި ގުޅިގެން ވާހަކަ ދައްކަމުން އިދިކޮޅުން މިއަދު ހަވީރު ބޭއްވި ނޫސްވެރިންގެ ބައްދަލުވުމުގައި ޝިޔާމް ވިދާޅުވީ ޔައުގޫބް އައިސީއޭއެމްގެ ކައުންސިލު މެމްބަރު ކަމަށް އައްޔަންކުރީ ގާނޫނުއަސާސީއާ ހިލާފަށް ކަމަށެވެ.
އެހެންކަމުން، އެ މައްސަލަ ރައްޔިތުންގެ މަޖިލީހުގެ ރައީސް މުހައްމަދު ނަޝީދު ބައްލަވަން ޖެހޭކަން ފާހަގަކުރައްވާ ޝިޔާމް ވިދާޅުވީ އެކަމުގައި މަޖިލީހުން ފިޔަވަޅެއް ނާޅާނަމަ، އިދިކޮޅުން އެ މައްސަލަ ސްޕްރީމް ކޯޓަށް ހުށަހަޅާނެ ކަމަށެވެ.
ގާނޫނު އަސާސީގައި ބުނާ ގޮތުގައި މަޖިލީހުގެ މެމްބަރު ކަމުގައި ހުންނަވާ މުސްތަގިއްލު ކޮމިޝަނެއްގެ މެމްބަރުކަން ނުވަތަ މުސްތަގިއްލު މަގާމެއް އަދައެއް ނުކުރެވޭނެ އެވެ. އެކަމަކު އިންސްޓިޓިއުޓް އޮފް ޗާޓަޑް އެކައުންޓެންޓްސްއަކީ މިނިވަން މުސްތަގިއްލު ކޮމިޝަނެކެވެ.
