އަރްޖުން ކަޕޫރު
ސަޕޯޓަރަކު އަރްޖުން ރޮއްވާލައިފި
30 ނޮވެންބަރ 2019 - 13:27:43
ސަޕޯޓަރަކު ބޮލީވުޑުގެ މަޝްހޫރު ތަރި، އަރްޖުން ކަޕޫރު ރޮއްވާލައިފިއެވެ.
Advertisement
އަރްޖުންގެ ސަޕޯޓަރަކު ވަނީ އިއްޔެގެ ވަގުތެއްގައި އަރްޖުންއަށް އޭނާގެ އަދި އޭނާގެ މަންމަގެ ކުރެހުމެއް އަދި ހާއްސަ މެސެޖެއް ފޮނުވާފަ އެވެ.
އަރްޖުން އެކުރެހުން އަދި ލިޔުންކޮޅު ސޯޝަލް މީޑިއާގައި ހިއްސާކޮށްފައިވާއިރު އޭނާ ވަނީ އެމެސެޖު ކިޔުމަށްފަހު ރޮއެފައި ކަމަށް ނޫސްތަކުން ބުނެ އެވެ.
ސަޕޯޓަރު ފޮނުވާފައިވާ މެސެޖުގައި ވަނީ އޭނާ އަރްޖުންއާ ގަޔާވަނީ ހަމައެކަނި އޭނާ އަކީ އެންމެ ކަމުދާ އެކްޓަރުގެ އިތުރުން އެންމެ ރީތި އެކްޓަރަށް ވާތީ ނޫން ކަމަށެވެ. އެއީ އަރްޖުން އަކީ އަމިއްލަ ނަފްސަށް އަދި އާއިލާއަށްޓަކައި ކާމިޔާބު މީހަކަށްވުމަށް ވަރަށް ހިތްވަރާ އެކު މަސައްކަތްކުރާ މީހަކަށް ވާތީ ކަމަށްވެސް ބުނެފަ އެވެ.
މީގެއިތުރުން އަރްޖުންގެ ފުރަތަމަ ފިލްމު "އިޝަގްޒާދޭ" އަށް ފަހު އޭނާއަކީ މޮޅު އެކްޓަރެއްކަން ސަޕޯޓަރުންނަށް ސާބިތުކޮށްދިން ކަމަށާއި އަރްޖުންގެ އެކްޓިން ވަރަށް ފުރިހަމަ ކަމަށްވެސް ސަޕޯޓަރުގެ މެސެޖުގައިވެ އެވެ.
ހަމައެހެންމެ އަރްޖުންގެ މަންމަ މަރުވި ފަހުން އަރްޖުންއަށް މަންމައާ އެކު ފޮޓޯއެއް ނަގަން ފުރުސަތު ނުލިބުނު ކަމަށާއި ސަޕޯޓަރު ހިއްސާކުރި ފޮޓޯ ފެނި އަރްޖުންގެ މޫނުމައްޗަށް ހިނުތުންވުމެއް އަންނާނެ ކަމަށް އުއްމީދު ކުރާ ކަމަށްވެސް މެސެޖުގައިވެ އެވެ.
އަރްޖުން އެންމެ ފަހުން ފެނިގެން ގޮސްފައިވަނީ "އިންޑިއާސް މޮސްޓް ވޯންޓެޑް" އިންނެވެ.
އޭނާ ދެން އެންމެ އަވަހަށް ފެނިގެންދާނީ "ޕަނީޕަތް" އިންނެވެ. އެފިލްމު ނެރުމަށް ހަމަޖެހިފައިވަނީ އަންނަ މަހުގެ ހަވަނަ ދުވަހު އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
