ޒްލަޓާން، ކޮވިޑަށް ޕޮޒިޓިވްވިކަން އޭނާވަނީ ބުރާސްފަތި ދުވަހުގެ ރޭ ޓްވިޓާ މެދުވެރިކޮށް އިއުލާންކޮށްފަ އެވެ. ޒްލަޓާން ކޮވިޑަށް ޕޮޒިޓިވްވި ނަމަވެސް އެއްވެސް އަލާމާތެއް ނެތް ކަމަށާއި އޭނާގެ ހާލު ރަނގަޅު ކަމަށް އޭނާ ބުންޏެވެ. 

އުމުރުން 38 އަހަރުގެ ޒްލަޓާން ކޮވިޑަށް މި ޕޮޒިޓިވްވީ، އިޓާލިއަން ލީގުގެ އާ ސީޒަންގެ ފުރަތަމަ މެޗުގައި އޭސީ މިލާނުން މޮޅު ކުޅުމެއް ދައްކާ، ޒްލަޓާންގެ ދެ ލަނޑުން މެޗު ކާމިޔާބުކޮށްފައިވަނިކޮށެވެ. 

ޒްލަޓާން، ކޮވިޑަށް ޕޮޒިޓީވްވުމާއި ގުޅިގެން އޭނާ މިހާރުވަނީ ކަރަންޓީނު ކުރެވިފައެވެ. އަދި އޭސީ މިލާނުގެ އެހެން އެއްވެސް ކުޅުންތެރިއަކު މިއަދު ހެދި ޓެސްޓްތަކުން ކޮވިޑަށް ޕޮޒިޓީވްވެފައެއް ނުވެއެވެ.