ގާތްގަނޑަކަށް 130 މިލިއަން ޑޮލަރުގެ މި ތަކެތި އިއްޔެ އަތުލައިގަތްއިރު، ބޭރުގެ ބައެއް ނޫސްތަކުން ބުނެފައި ވަނީ ދިވެހި ފުލުހުން އޮޕަރޭޝަން ހިންގީ ޕާކިސްތާނުގެ ޑްރަގް އިންޓެލިޖެންސުން ދިން މައުލޫމާތާ ގުޅިގެން ކަމަށެވެ.

ނަމަވެސް ހަމީދު ކުރެއްވި ޓްވީޓެއްގައި ވިދާޅުވީ "މިއީ ހަމައެކަނި ދިވެހި ފުލުހުންގެ އިންޓެލިޖެންސާއި މަސައްކަތުން" އަތުލައިގަތް މަސްތުވާތަކެތި ކަމަށެވެ.

އިއްޔެ ހިންގި އޮޕަރޭޝަނާ ގުޅޭ ތަފްސީލް އަދި ހާމަކޮށްފައި ނުވާއިރު، އެ އޮޕަރޭޝަނާ ގުޅިގެން މިއަދު ހުޅުމާލޭގައި ވެސް ފުލުހުން ބައެއް ތަންތަން ބަލާ ފާސްކުރަމުންދާ ކަމަށް ވެއެވެ.

އެނގިފައިވާ ގޮތުގައި އިއްޔެގެ އޮޕަރޭޝަނުގައި އައްޑޫގައި މަސްތުވާތަކެތީގެ ވިޔަފާރި ކުރުމުގައި އިސްކޮށް އުޅޭ ކަމަށް ފުލުހުން ކުރިން ތުހުމުތުކޮށްފައިވާ އިބްރާހިމް ރަޝީދު (އަބުޗާ) އާއި އިތުރު ބަޔަކު ވަނީ ހައްޔަރުކޮށްފަ އެވެ.