އަބްދުއްރަހީމް އަބްދުﷲ-
ހަޑިހުތުރު އެއްޗެހިކީ މައްސަލައިގައި އަދުރޭގެ މައްޗަށް ދައުވާކޮށްފި
މާއިދާ މުހައްމަދު ރަޝާދު
26 އޮކްޓޯބަރ 2020 - 20:47:55
ހަޑިހުތުރު އެއްޗެހިކީ މައްސަލައިގައި ޕީއެންސީގެ ރައީސް އަބްދުއްރަހީމް އަބްދުﷲ ގެ މައްޗަށް ދައުވާކޮށްފައިވާ ޕްރޮސެކިއުޓާ ޖެނަރަލް (ޕީޖީ) އޮފީހުން ބުނެފި އެވެ.
Advertisement
ޕީޖީ އޮފީހުގެ މީޑިއާ އޮފިޝަލް މިރޭ ސީއެންއެމްއަށް ވިދާޅުވީ އަބްދުއްރަހީމްގެ މައްޗަށް ދައުވާކޮށް ކްރިމިނަލް ކޯޓަށް ހުށަހެޅީ މިއަދު ކަމަށެވެ.
އެގޮތުން އޭނާގެ މައްޗަށް ދައުވާކުރީ ކްރިމިނަލް ކޯޓުގައި ކުރީގެ ރައީސް އަބްދުﷲ ޔާމީންގެ މައްޗަށް ހުކުމް ކުރަން އޮތް ދުވަހު، އެ ސަރަހައްދުގައި ހަޑިހުތުރި ބަހުން ވާހަކަ ދެއްކެވުމާއި ގުޅިގެން ކަމަށް އޮފިޝަލް ވިދާޅުވި އެވެ.
މިދިޔަ އޮގަސްޓް މަހުގެ ތެރޭގައި ވެސް ފުލުހުން ތަހުގީގުކުރާ މައްސަލައަކަށް ފުލުހުންގެ އިދާރާއަށް ހާޒިރުވުމަށް ފަހު އެ ތަނުގެ ބޭރުގައި ހުންނަވާ އަބްދުއްރަހީމް ހަޑިއެއްޗެހިކީ މައްސަލައެއް ފުލުހުންނަށް ހުށަހަޅާފައިވެ އެވެ. އެކަމަކު މިހާތަނަށް އެ މައްސަލައާ ގުޅިގެން ދައުވާކޮށްފައެއް ނުވެ އެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
