އެގޮތުން "ދަ ކަޕިލް ޝަރްމާ" ޝޯއަށް ދާދި ފަހުން ވަނީ އަރާފަ އެވެ. ޝޯގައި ކަޕިލް ވަނީ ފިލްމީ ކެރިއާގައި ކިއާރާ ހޯދަމުންދާ ކުރިއެރުމަށް ތައުރީފުކޮށްފަ އެވެ.
އެ ވާހަކައިގެ ތެރެއިން ކަޕިލް ވަނީ ކިއާރާ އެހާ ބުރަކޮށް އުޅެމުން ވެސް އެއްވެސް މީހަކާ "ޑޭޓް" ކުރަން ވިސްނަންތޯ ނުވަތަ ލޯބިވެރިއަކު ހުރޭތޯ ސުވާލުކޮށްފަ އެވެ.
ޖަވާބުގައި ހިނިގަނޑެއް ޖަހާލުމަށް ފަހު ކިއާރާ ބުނީ އޭނާގެ ލޯބީގެ ހަޔާތުގެ ވާހަކަ ހިއްސާކުރާނެ ހަމައެކަނި ފަހަރަކީ ކައިވެނި ކުރާ ފަހަރު ކަމަށެވެ.
އޭރު ކައިރީގައި އިށީނދެގެން އިން އަކްޝޭ ވަނީ ހެމުން ހެމުން، ކިއާރާގެ ލޯބީގެ ހަޔާތާ ގުޅޭ ސިއްރެއް ބޭޒާރުކޮށްލަން މަސައްކަތްކޮށްފަ އެވެ.
ކިއާރާއާ ކައިވެނި ކުރާނެ މީހަކަށް މަރުހަބާ ކިޔަމާ ހިނގާށޭ ބުނެ، އަކްޝޭ ވަނީ ނުސީދާކޮށް ސިދާތް މަޅޯތްރާގެ ނަން ފާހަގަކޮށްފަ އެވެ.
މީގެ ކުރިން އަޑު ފެތުރިފައިވާ ގޮތުން ކިއާރާ އުޅެނީ ސިދާތްއާ ލޯބީގެ ގޮތުން ގުޅިގެންނެވެ. އެކަމަކު އެމީހުން އެކަން ކަށަވަރުކޮށްދީފައެއް ނުވެ އެވެ.
