މިނިސްޓަރު ވިދާޅުވީ ކޮވިޑް-19 އާއި ގުޅިގެން ނާސްތާ ޕްރޮގްރާމް މެދުކަނޑާލާފައި އޮތުމަށްފަހު އަލުން ފަށާއިރު އެދެވޭ ބަދަލުތަކެއް ފެނިގެންދާނެ ކަމަށެވެ.
އެގޮތުން މެނޫއަށް ބަދަލު ގެނެއުން ހިމެނޭކަން ފާހަގަކުރައްވާ މިނިސްޓަރު ވިދާޅުވީ އެންމެ ބޮޑަށް އަމާޒުހިފާފައިވަނީ ނާސްތާގައި ދަރިވަރުންނަށް ދެވޭ ކާނާ އެއީ މިންހެޔޮ ކާނާއަށް ހެދުމަށާއި، ކާނާ ދަރިވަރުންނަށް ފޯރުކޮށްދިނުމުގައި ސާފްތާހިރުކަން ދެމެހެއްޓުމަށް ކަމަށެވެ.
ނާސްތާ ޕްރޮގްރާމްގެ އެދެވޭ ނަތީޖާ ބެލެނިވެރިންނާއި ދަރިވަރުންގެ އިތުރުން މުޅި ސްކޫލް ކޮމިއުނިޓީގެ ފަރާތުން ފެންނަ ކަމަށް މިނިސްޓަރު ވިދާޅުވިއެވެ.
މިނިސްޓަރު ވިދާޅުވީ އެގޮތުން ނާސްތާ ޕްރޮގްރާމް ފޯރުކޮށްދިނުމުގައި އަންހެނުން ކުރިއަރުވާ ކޮމިއުނިޓީތަކާއި، ޕީޓީއޭ ގްރޫޕްތަކުންވެސް ބައިވެރިވަމުންދާތީ އެބޭފުޅުންނަށްވެސް ލިބޭ މަންފާ އިތުރު ވެފައިވާ ކަމަށެވެ.
ނާސްތާ ޕްރޮގްރާމަކީ ރައީސް އިބްރާހިމް މުހައްމަދު ސޯލިހްގެ ރިޔާސީ ވައުދެކެވެ. އެންމެ ފުރަތަމަ އެ ޕްރޮގްރާމް ކުރިއަށް ގެންގޮސްފައިވަނީ ވަކި ސްކޫލްތަކެެއްގައި ކަމަށް ވީނަމަވެސް މިހާރު ވަނީ ރާއްޖޭގެ ހުރިހާ ސްކޫލެއްގައި ދަރިވަރުންނަށް ހެނދުނުގެ ނާސްތާ ދެވޭނެ އިންތިޒާމް ހަމަޖައްސާފައެވެ.
