މިއަދު މެންދުރު އެކެއް ޖެހިއިރު މި ޗެލެންޖަށް ވޯޓު ލުމުގެ ގަޑި ހަމަވިއުރ ދަގަނޑޭވަނީ 89 އިންސައްތަ ވޯޓު ހޯދާފައެވެ. އަޝްފާގަށް ވަރުގަދަ ސޯޝަލް މީޑިއާ ކެމްޕެއިނެއް ކުރިއެވެ. އަޝްފާގަށް ސޯޝަލް މީޑިއާގައި ކެމްޕެއިން ކުރި ފަރާތްތަކުގެ ތެރޭގައި ބްރެކެޓް ޗެލެންޖުގައި ވާދަކުރި އަޝްފާގުގެ ގޯލް ޖެހިއިރު ނިއުގެ ކޯޗަކަށް ހުރި ބަލްގޭރިއާގެ ވެލިޒާ ޕޮޕޯވްވެސް ހިމެނެއެވެ.
ޕޮޕޯވް ބުނި ގޮތުގައި ޕާސިބޯ ކޮޅަށް އަޝްފާގު ޖެހި އެ ހިތްގައިމު ގޯލަކީ ވޯޓެއް ނެގިއަސް ނުނެގިއަސް އޭއެފްސީ ކަޕުގެ ތާރީޚުގެވެސް އެންމެ މޮޅު ގޯލެވެ.
ބްރެކްޓް ޗެލެންޖު ކާމިޔާބު ކުރި އަޝްފާގުގެ ގޯލަކީ ދެހާސް ތޭރަވަނަ އަހަރުގެ އޭއެފްސީ ކަޕުގައި އިންޑޮނީޝިއާގެ ޕާސިބޯކޮޅަށް ދަގަނޑޭ ނިއުރޭޑިއަންޓަށް ޖަހައިދިން ގޯލެކެވެ. އެ މެޗުން ނިއު މޮޅުވީ ހަތް ލަނޑު ސުން ލަނޑުންނެވެ.
އަޝްފާގުވަނީ އޭނާގެ ގޯލަށް ވޯޓް ހޯދައިދިން ފަރާތްތަކަށް ސޯޝަލް މީޑިއާގައި ޝުކުރު އަދާކޮށްފައެވެ.
