ޑރ މުއިއްޒު ކުރެއްވި ޓްވީޓެއްގައި ވިދާޅުވީ، ވަންނާނެ ގެދޮރެއްނެތި ދިރިއުޅެމުންދާ ރައްޔިތުންނަށް އެހީތެރިވުމަށް ކެނެޑާ ސަރުކާރުން ދެއްވި އެހީއިން ކުރިކަމެއް އެނގެންޖެހޭ ކަމަށާއި، އެކަން ރައްޔިތުންގެ ހައްގުގައި ސާފުކޮށްދޭން ޖެހޭކަމަށެވެ.
މާލެސިޓީ މޭޔަރުކަމަށްވެސް ވާދަކުރައްވަން ނިންމަވާފައިވާ ޑރ. މުއިއްޒު މިހެން ވިދާޅުވީ މާލެސިޓީ ކައުންސިލަށް އިޝާރާތް ކުރައްވައެވެ. އެގޮތުން މުއިއްޒު ވިދާޅުވީ، މާލެސިޓީ ކައުންސިލަކީ މާލޭގެ މިފަދަ ނިކަމެތި ރަައްޔިތުންގެ ހައްގުތައް ހޯދައިދިނުމަށް މަސައްކަތްކުރާ ތަނަކަށް ހަދަންޖެހޭކަމަށެވެ.
ކޮވިޑް-19 އާ ގުޅިގެން މަގުމަތިވެފައިވާ ފަރާތްތަކަށް އެހީތެރިކަން ފޯރުކޮށްދިނުމުގެ މަސައްކަތް ސަރުކާރުން އަންނަނީ ކުރައްވަމުންނެވެ. އެގޮތުން ޖެންޑާ މިނިސްޓްރީއާ ހަވާލުކޮށްގެން ވަގުތީ ހިޔާ ގާއިމުކުރުމުގެ މަސައްކަތް ކުރިއަށްގެންދަން ނިންމަވާފައިވާކަމަށް މީގެކުރިން ވަނީ ބުނެފައެވެ.
