އެގައުމުގެ އާންމު ސިއްހަތާ ބެހޭ އިދާރާއިން މުނެފައިވަނީ އެ ވައިރަހުން ބަލިޖެހިފައިވާ 1،108 މީހުން އިގިރޭސިވިލާތުގެ ދެކުނާއި ހުޅަނގުގެ އެކި ސަރަހައްދުން ފެނިފައިވާ ކަމަށެވެ.

މިބަދަލުގެ ސަބަބުން އިންސާނުންނަށް ބަލިޖެހޭ މިންވަރު އިތުރުވެ ގައިންގަޔަށް ބަލި އަރައި މިންވަރު އިތުރު ވެދާނެކަމަށް ވެސް އެ ޓީމުން ބުނެއެވެ.  ނަމަވެސް ދެކުނު ސަރަހައްދުތަކުގައި ބަލި ފެތުރޭ މިންވަރު ކުއްލިއަކަށް އިތުރުވެފައިވަނީ ވައިރަހަށް އައި ބަދަލު ސަބަބުން ކަމަށް އަދި އެނގިފައި ނެތްކަމަށް އެ ޓީމުން ބުނެއެވެ. 

ކޯވިޑް ޖެނޯމިކްސް ޔޫކޭ ކޮންސޯޓިއަމްގެ ސައިންސްވެރިން ނެރުނު ބަޔާނެއްގައި ބުނެވައިވަނީ ބަލި ފެތުރޭ މިންވަރު އިތުރުވެފައިވުމާއި ވައިރަހުގެ ސިފައަށް އައިސްފައިވާ ބަދަލާއިމެދު އެއްވެސް ގުޅުމެއް ވޭތޯ ޔަޤީންކުރުމުގެ މަސައްކަތް  ކުރިއަށްދާކަމަށެވެ. 

ވައިރަހަށް ބަދަލު އައުމުގެ ސަބަބުން ބަލިޖެހޭ މީހުންގެ ހާލަތު އިތުރަށް ގޯސްވާކަމުގެ އެއްވެސް ހެއްކެއްވެސް މިހާތަނަށް ލިބިފައިނުވާކަމަށާއި ބައްޔާއި ދެކޮޅަށް ތައްޔާރުކޮށްފައިވާ ވެކްސިންތަކުގެ އަސަރު ވައިރަހުގެ އެ ބާވަތަށް ނުކުރާނެކަމުގެ ހެއްކެއް ވެސް މިހާތަނަށް ފެނިފައެއް ނުވާކަމަވެސް ޔޫކޭ ކޮންސޯޓިއަމުންވަނީ ބުނެފައެވެ.

އިނގިރޭސިވިލާތުގައި މިހާތަނަށް 1.8 މިލިއަން މީހުންނަށް ކޯވިޑް ޖެހި 65،000 އާއި ގާތްކުރާ އަދަދަކަށް މީހުން މަރުވެފައިވާއިރު ފާއިތުވި 24 ގަޑިއިރުގެ ތެރޭގައިވެސް އެ ޤައުމުގައި 18،450 މީހުންނަށް ބަލިޖެހި، 506 މީހުންވަނީ މަރުވެފައެވެ.