ކޮންމެއަކަސް މީހާ ފިޓް މީހަކަށް ވުމުގައި އަރްޖުން ފެށި ދަތުރު އޭނާ ވަނީ ކުރިން މީޑިއާތަކަށް ހިއްސާކޮށްފަ އެވެ. އެގޮތުން ފުރަތަމަ ކަސްރަތު ފެށިއިރު އޭނާއަށް ދުވެވެނީ ހަމަ ކިރިޔާ ދިހަ ސިކުންތަށެވެ. އެކަމަކު ވާނެ ކަމަށް ދެކިގެން އަރްޖުން މަސައްކަތްކުރިއިރު އޭނާ ވަނީ ޓާގެޓް ޑޭޓެއް ކަނޑަނޭޅުމަށް އެދިފަ އެވެ.
ކޮންމެއަކަސް ބަރުދަން ލުއިކުރަން ކުރި މަސައްކަތުގައި އަރްޖުން ވަނީ ހެވީ ވޯކްއައުޓްތައް ވެސް ޖައްސާފަ އެވެ. އޭގެ ތެރޭގައި ކާޑިއޯ އެކްސަސައިޒް އާއި ސްކޮޓްސް އަދި ޑެޑްލިފްޓްސް އާއި ކްރޮސް ފިޓް ޓްރެއިނިންގެ އިތުރުން ޕުލްއަޕްސް ފަދަ ކަންކަން ކޮށްގެން ތިން އަހަރުން ލުއިވީ 50 ކިލޯ އެވެ.
އޭގެ ފަހުން އަރްޖުން ވަނީ ޖަންކް ފުޑަށް ކިތަންމެ ލޯބިކުރިޔަސް އެ ވެސް ދޫކޮށްލަން ނިންމާފަ އެވެ. އެގޮތުން ސިއްހަތު ރަނގަޅު ކާނާގެ ބާވަތްތައް ކާން ފަށައި ރަނގަޅު ޑައިޓެއް ޖައްސަން ފެށި އެވެ. އަރްޖުން ބުނާ ގޮތުންނަމަ ކަސްރަތާ އެއްވަރަށް މީހާގެ ބަރުދަން ލުއިކުރުމަށް ސިއްހަތަށް ރަނގަޅު ކާނާ ކެއުން ވެސް އިތުރުކުރަން ޖެހެ އެވެ.
ބޮލީވުޑަށް ނިކުތުމުގެ ކުރިން 140 ކިލޯގައި ހުރި ނަމަވެސް ކުރި ބުރަ މަސައްކަތާއެކު އަރްޖުން އޭނާގެ ބަރުދަން 80 ކިލޯއަށް ތިރިކުރި އެވެ. މި ހިތްވަރެއް ވެސް ލިބުނީ އެކްޓްކުރުމުގެ ޝައުގުވެރިކަން އުފެދުނު ހިސާބުންނެވެ. ބޮލީވުޑަށް ނިކުތުމުގެ ކުރިން އަރްޖުން ވަނީ ކަލް ހޯ ނަ ހޯ އާއި ސަލާމް އޭ އިޝްގް ފަދަ ފިލްމުތަކުގައި އެސިސްޓެންޓް ޑައިރެކްޓަރެއްގެ ގޮތުގައި މަސައްކަތްކޮށްފަ އެވެ.
މިހާރު ހަފްތާގެ ހަ ދުވަހު އަރްޖުން އަންނަނީ އެއްވެސް ޝަކުވާއެއް ކުރުމެއް ނެތި ކަސްތަރުކުރަމުން ކަމަށް އޭނާ ބުނެ އެވެ. އެގޮތުން ކުޑައިރުއްސުރެ ފަލަކޮށް ހުރި އަރްޖުންއަށް އެ ކާމިޔާބީއަށް ވާސިލުވުމުން ދެން ކޮންމެ މީހަކަށް ވެސް އެކަން ކުރެވޭނެ ކަމަށް އޭނާ ބުނެ އެވެ.
