މިއަދު ހަވީރު ކުޅުދުއްފުށީގައި ބޭއްވި ރަސްމިއްޔާތެއްގައި އެ ޕްލާންޓް ހުޅުވައިދެއްވީ ކުޅުދުއްފުށީ އުތުރު ދާއިރާގެ މަޖިލިސް މެމްބަރު ޔާސިރު އަބުދުލް ލަތީފެވެ.
މިއީ އަތޮޅުތެރޭގައި ގާއިމުކުރެވުނު ފުރަތަމަ މެޑިކަލް ގޭސް ޕްލާންޓެވެ.
މޯލްޑިވް ގޭހުގެ އެކްޓިން މެނޭޖިން ޑިރެކްޓަރު އަލީ އިކްރާމް ވިދާޅުވީ، މި ހިދުމަތް ރާއްޖޭގެ އެކި ކަންކޮޅުން ތަކުން ދިނުމަށް ރައީސް އިބްރާހިމް މުހައްމަދު ސާލިހު ނިންމަވާފައިވާކަން މިއަދު ވަނީ ހާމަކުރައްވާފައެވެ.
މި ހިދުމަތް އައްޑޫ ސިޓީގައި އާއި ލ އަދި ގދ ތިނަދޫގައި ފަށާނެއެވެ.
ތިލަފުށިން 700 ރުފިޔާއަށް ވިއްކާ ގޭސް ސިލިންޑަރު ކުޅުދުއްފުއްޓާ ހަމައަށް ގެންނެވޭއިރު 2000 އެއްހާ ރުފިޔާ ހަރަދުވެއެވެ.
އެހެންނަމަވެސް މިއަދު ހުޅުވިގެން މިދިޔަ ގޭސް ޕްލާންޓްގެ ސަބަބުން އެހަރަދުތައް ދެން ކުރާކަށް ނުޖެހޭނެ ކަމަށް މޯލްޑިވް ގޭހުން ބުނެއެވެ.
ކުޅުދުއްފުށީ ރީޖަނަލް ހޮސްޕިޓަލްގެ ގޯތިތެރޭގައި ހުޅުވި މި ގޭސް ޕްލާންޓުން އުތުރުގެ ތިން އަތޮޅަށް ބޭނުންވާ އޮކްސިޖަން އުފެއްދޭނެ އެވެ.
