މިއަދު 200 ރައްޔިތުން އަނބުރާ ބަންގްލަދޭޝް އަށް ފޮނުވާލާފައިވާ އިރު، މިހާތަނަށް ދިހަ ހާހާއި ގާތްކުރާ އަދަދަކަށް އެގައުމުގެ ރައްޔިތުން ފޮނުވައިލެވިފައިވާ ކަމަށް މޯލްޑިވިއަނުން ބުނެ އެވެ.

މިހާތަނަށް މޯލްޑިވިއަނުން ވަނީ ވެލާނާ އިންޓަނޭޝަނަލް އެއާޕޯޓުން ބަންގްލަދޭޝްގެ ވެރިރަށް ޑާކާއަށް، އެގައުމުގެ ރައްޔިތުން ގޮވައިގެން ފަންސާސް ދަތުރުކޮށްފަ އެވެ. އެއާއެކު މޯލްޑިވިއަންގެ ފްލައިޓްތަކުގައި ގެންދިޔަ މީހުންގެ އަދަދު ވަނީ 9،633 އަށް އަރާފައިވެ އެވެ.

މިއީ ރާއްޖޭގައި ސައްހަ ލިޔެކިޔުން ނެތް ބަންގްލަދޭޝްގެ ރައްޔިތުންނާއި، އެނބުރި ގައުމަށް ދާން ބޭނުން ރައްޔިތުން ފުރުވާލުމަށްޓަކައި ސަރުކާރާއި މޯލްޑިވިއަން ގުޅިގެން ކުރިއަށް ގެންދާ އޮޕަރޭޝަނެކެވެ.