ދިޔާނާ މި މޭރުމުން ވާހަކަ ދައްކަވާފައި ވަނީ މިމަހުގެ 23 ވަނަ ދުވަހު އަދާލަތު ޕާޓީން ބާއްވަން ނިންމާފައިވާ އެ ޕާޓީގެ އެތެރޭގެ އިންތިހާބުގައި ޕާޓީގެ ރައީސް ކަމުގެ މަގާމަށް އަންހެނަކަށް ކުރިމަތިލެވެން ޖެހޭ ކަމަށް އެ ޕާޓީގެ ފޮރިން އެފެއާޒް ކޮމިޓީގެ ރައީސްކަމުގެ މަގާމުގައި ހުންނެވި ކުރީގެ ޖެންޑާ މިނިސްޓަރު ޝިދާތާ ޝަރީފް، އޮންލައިން ނޫހަކަށް ދިން އިންޓަވިއުއެއްގައި ވިދާޅުވުމާ ގުޅިގެން ކުރެއްވި ޓްވީޓެއްގަ އެވެ.
އެކަމަށް ތާއީދުކުރައްވައި، ދިޔާނާ ވިދާޅުވީ އަދާލާތު ޕާޓީގެ ރައީސް ޖަލުގައި އޮންނެވިއިރު އެ ޕާޓީގެ އަޑު ނުކެނޑި އޮތީ ހިތްވަރު ގަދަ ދެ އަންހެން ބޭފުޅުންގެ ސަބަބުން ކަމަށެވެ. އެގޮތުން އެ ޕާޓީގެ ރައީސް ކަމަށް ޝިދާތާއަކީ ގާބީލް ބޭފުޅެއް ކަމަށް ދިޔާނާގެ ޓްވީޓުގައި ވިދާޅުވި އެވެ.
އަދާލަތު ޕާޓީގެ އަސާސީ ގަވާއިދުގައި މި ވަގުތު އޮތް ގޮތުން ޕާޓީގެ ރައީސަކަށް ވެސް އަދި ނައިބު ރައީސަކަށް ވެސް އަންހެނަކަށް ކުރިމައްޗެއް ނުލެވޭނެ އެވެ.
