ރާއްޖެއިން ބޭރުކުރަން އުޅުނު ގިނަ އަދަދެއްގެ މިޔަރު އުރަހަތަކެއް އިއްޔެ ކަސްޓަމްސް އިން ވަނީ އަތުލައިގަނެފަ އެވެ.
ކަސްޓަމްސް އިން އަތުލައިގަތް މިޔަރު އުރަހަތަކުގެ ބަރުދަނުގައި 429 ކިލޯ ހުއްޓެވެ.
މިޔަރު އުރަހަތައް ހުރި 24 ފޮށިގަނޑު އަތުލައިގަތެވެ.
މި މައްސަލާގައި މުސްތަފާ ވިދާޅުވީ، މިޔަރު އުރަހަ ވިއްކުމަކީ "މާތް ކަލާންގެ ވިޔަފާރި ކުރުން ހަރާން ކުރެއްވި އެއްޗެއް ނޫން،" ކަމަށެވެ.
ރާއްޖޭގައި މިޔަރު އުރަހަ ވިއްކުން "ހަރާންވީ" އދ.ގެ ސައިޓްސް މުއާހަދާގެ ސަބަބުން ކަމަށް ވެސް މުސްތަފާ ވިދާޅުވި އެވެ.
ކޮންވެސްންޝަން އޮން އިންޓަނޭޝަނަލް ޓްރޭޑް އިން އެންޑޭންޖާޑް ސްޕީސީޒް (ސައިޓްސް) އަކީ ދުނިޔެއިން ނެތިދިއުން ކައިރިވެފައިވާ ދިރޭ ތަކެތީގެ ވިޔަފާރި ކުރުން ހުއްޓުވުމަށް ސޮއިކޮށްފައިވާ މުއާހަދާއެކެވެ.
ރާއްޖެގައި ދިރުއުޅޭ ވެލާ ކަނހަނބާއި، މިޔަރާއި އަދި އެހެނިހެން ރައްކާތެރި ކުރެވިފައިވާ ދިރޭ ތަކެއްޗަކީ ރާއްޖޭގެ ތިމާވެށީގައިވާ އީކޯ ސިސްޓަމް ރަނގަޅަށް މަސައްކަތް ކުރަން ކޮންމެހެން ބޭނުންތެރި ތަކެއްޗެވެ.
މިޔަރު އުރަހައަކީ ސީފުޑްގެ ތެރޭގައި ހިމެނޭ އަގުބޮޑު ބާވަތެކެވެ.
