ހަބަރު /
ފުލުހުންގެ ސިމްޕޯޒިއަމެއް ގެ ތެރެއިން--ފޮޓޯ: ޕޮލިސް
ނޫސްވެރިންނަށް މަރުގެ އިންޒާރު ދިން މައްސަލަ މީޑިއާ ކައުންސިލުން ފުލުހަށް ހުށަހަޅައިފި
04 ޖެނުއަރީ 2021 - 22:48:12
ވަގުތު ނޫހުގެ ނޫސްވެރިންނަށް މަރުގެ އިންޒާރު ދިން މައްސަލަ މޯލްޑިވްސް މީޑިއާ ކައުންސިލުން އިން ފުލުހަށް ހުށަހަޅައިފިއެވެ.
Advertisement
މީޑިއާ ކައުންސިލުން މިރޭ ބުނީ މިނިވަންކަމާއެކު ފިކުރުކުރުމާއި، އިސްލާމްދީނުގެ އަސްލަކާ ހިލާފުނުވާ ގޮތެއްގެ މަތިން ހިޔާލުފާޅުކުރުމުގެ މިނިވަންކަމާއި، ނޫސްވެރިކަމުގެ މިނިވަންކަމަކީ ދިވެހިރާއްޖޭގެ ޤާނޫނު އަސާ ސީން ކޮންމެ ފަރުދަކަށްމެ ކަށަވަރުކޮށްދީފައިވާ އަސާސީ ހައްޤަކަށްވީހިނދު ، ޤާނޫނު އަސާސީން ލިބިދީފައިވާ އިމުގެ ތެރެއިން ފާޅުކުރާ ހިޔާލެއްގެ ސަބަބުން ނޫސްވެރިޔާގެ ޖިސްމަށް ގެއްލުންދީ، ފުރާނައަށް ނުރައްކާކޮށް، ބިރުދައްކައި އިންޒާރުދިނުމަކީ އެއްވެސް ހާލެއްގައި ބަލައިގަނެވޭނެކަމެއް ނޫންކަމަށެވެ.
"މީގެކުރިންވެސް ދިވެހި ނޫސްވެރިންނަށް ތަފާތު އެކިކަހަލަ އިންޒާރާއި ފުރައްސާރައާ ކުރިމަތިވުމަށްފަހު ނުރައްކާތެރި ހަމަލާތަކުގެ ޝިކާރައަކަށް ވެފައިވާތީ، މި ނާތަހުޒީބު އަމަލު މި ކައުންސިލުން ހަރުކަށި އިބާރާތުން ކުއްވެރިކުރަން. ހިޔާލުފާޅުކުރުމުގެ މިނިވަންކަމާއި މައުލޫމާތު ހޯދާ ބަލައިގަތުމުގެ މިނިވަންކަމަށް ހުރަސްއެޅޭގޮތަށް ސަރުކާރުންނާއި މީޑިއާއާއި އެހެނިހެން ފަރާތްތަކުން ކުރާކަންކަން ކަމާބެހޭ އިދާރާތަކަށް ހުށަހަޅައިގެން ހައްލުކުރުމަކީ މި ކައުންސިލަށް ޤާނޫނުން މަތިކޮށްފައިވާ މަސްއޫލިއްޔަތެއް،" - މީޑިއާ ކައުންސިލް -
އެކައުންސިލުން ވަނީ މައްސަލަ ތަހުގީގުކޮށް، އަޅަންޖެހޭ ފިޔަވަޅެއް އަޅައިދިނުމަށް ވެސް މޯލްޑިވްސް ޕޮލިސް ސަރވިސްގެ ކިބައިން ވަނީ އެދިފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
