ސަފީރު މިހެން ވިދާޅުވެފައިވަނީ މިއަދު ފޮރިން މިނިސްޓަރު އަބްދުﷲ ޝާހިދު އާ ބައްދަލު ކުރެއްވުމަށް ފަހު ކުރެއްވި ޓުވީޓެއްގައެވެ.
ސަފީރު ވިދާޅުވެފައިވަނީ ދެ ގައުމުން ޝައުގުވެރިވާ ކަންތައްތަކާއި ގުޅޭ ގޮތުން ވާހަކަދެއްކުމަށް ބައްދަލުކުރެވުމުން އުފާވާ ކަމަށާއި މި އަހަރުވެސް ދެ ގައުމު ގުޅިގެން ދެ ގައުމަށް ވެސް ފައިދާވާނެ މަސައްކަތްތައް ކުރެވޭނެ ކަމަށް އުއްމީދު ކުރައްވާ ކަމަށެވެ.
ޗައިނާގެ ސަފީރާ ބައްދަލުކުރެއްވުމަށް ފަހު ފޮރިން މިނިސްޓަރު ޝާދިހް ވިދާޅުވީ ރާއްޖޭގެ އިގްތިސާދު ފުޅާކުރުމާއި ތަރައްގީކުރުމުގެ މަޝްވަރާގެ ވާހަކަ ސަފީރާ އެއްކޮށް ދެއްކެވުނު ކަމަށެވެ. އަދި ކުރިއަށް އޮތް ތަނުގައި ދެ ގައުމުގެ ގުޅުން ވަރުގަދަ ކުރުމުގެ ވާހަކަތައް ދެއްކެވުމަށް އެދިވަޑައިގަންނަވާ ކަމަށެވެ.
ޗައިނާ ސަފީރް އަދި ފޮރިން މިނިސްޓަރުގެ ބައްދަލުކުރެއްވުން
ޗައިނާއަކީ ދިވެހިރާއްޖޭގެ ތަރައްގީގެ މުހިއްމު ބައިވެރިއެކެވެ. ޗައިނާއިން ރާއްޖޭގައި ބޮޑެތި ޕްރޮޖެކްޓްތައް ވެސް ކުރިއަށް ގެންގޮސްފައި ވެއެވެ. މިގޮތުން ފާހަގަކޮށްލެވޭ ބޮޑު މަސައްކަތަކީ ސިނަމާލެ ބްރިޖެވެ.
