ވަރުން އަދި ސޯނަމް---
ވަރުންގެ ކައިވެނި ޕާޓީއަށް ސޯނަމް ނުދާނެ، ސަބަބު މިއޮތީ
ފާތިމަތު އަހްމަދު ޝަރީފް
19 ޖެނުއަރީ 2021 - 10:12:12
މި ދުވަސްކޮޅު ފިލްމީ ދުނިޔޭގައި އެންމެ ގަދަޔަށް ދެކެވޭ ވާހަކައަކީ ވަރުން ދަވަން އަދި ނަތާޝަ ދަލާލްގެ ކައިވެނީގެ ވާހަކަ އެވެ. ކައިވެނީގެ ހަފްލާއަށް ވައްދާނީ 40 ނުވަތަ 50 ވަރަކަށް ގެސްޓުން ކަމަށް ރިޕޯޓްތައް ބުނާއިރު އެ ހަފްލާއަށް ދައުވަތު ދިން މީހުންގެ ތެރޭގައި ހިމެނެނީ އާއިލާ މީހުންނާ އެންމެ ގާތް އެކުވެރިންނެވެ.
ނަމަވެސް ވަރުންގެ ގާތް އެކުވެރިންގެ ލިސްޓްގައި ހިމެނޭ ސޯނަމް ކަޕޫރަށް މިވަނީ ވަރުންގެ ކައިވެނީގެ ހަފްލާގައި ބައިވެރިވާނެ ގޮތެއް ނުވެފަ އެވެ.
ވަރުންގެ ކައިވެނީގެ ހަފްލާގައި ސޯނަމް އަށް ބައިވެރި ނުވެވެނީ އޭނާގެ ކުރިއަށް އޮތް ފިލްމް "ބްލައިންޑް"ގެ ޝޫޓިން އަށް ގައުމުން ބޭރުގަ އުޅޭތީ އެވެ. ސޯނަމް މި ވަގުތު ހުރީ ސްކޮޓްލޭންޑްގަ އެވެ.
މި ބަލިމަޑުކަމާ ގުޅިގެން އިންޑިއާގެ ބައިނަލްއަގްވާމީ ކަރަންޓީން ގަވާއިދުގައި އޮންނަ ގޮތުން ސްކޮޓްލޭންޑް އިން އެގައުމަަށް ދާނަމަ 14 ދުވަހު ކަރަންޓީނު ވާންޖެހެ އެވެ. އެހެންކަމުން މި މަހުގެ 22 ވަނަ ދުވަހުން ފެށިގެން 24 ވަނަ ދުވަހާ ހަމަޔަށް އޮންނަ ވަރުންގެ ކައިވެނީގައި ސޯނަމް އަށް ބައިވެރިއެއް ނުވެވޭނެ އެވެ.
ވަރުން އާ ސޯނަމް އަކީ އެންމެ ކުޑަ އިރުން ފެށިގެން ވެސް ވަރަށް ގާތް އެކުވެރިންނެވެ.
64%
ކަމުގޮސްފި
0%
އަޑުއެހިތާ މިހުރީ
7%
ސަތޭކައަކުން ސުމެއް
29%
ވަރަށް ސަލާމް
ކޮމެންޓްސް
