ޝްރައްދާ އާއި އޭނާގެ ބައްޕަ ޝަކްތީ
ކައިވެނި ކުރުން ވާނީ ޝްރައްދާގެ އަމިއްލަ ނިންމުމަކަށް: ޝަކްތީ ކަޕޫރް
ފާތިމަތު އަހްމަދު ޝަރީފް
28 ޖެނުއަރީ 2021 - 14:33:26
ބޮލީވުޑްގެ ތަރި ޝްރައްދާ ކަޕޫރު ކައިވެނި ކުރަން އުޅޭ ކަމުގެ އަޑު ގަދަވަމުންދާ މިދުވަސްކޮޅު އޭނާގެ ބައްޕަ ޝަކްތީ ކަޕޫރު މިވަނީ އެކަމާ ގުޅޭ ގޮތުން ކުރި ސުވާލަކަށް ޖަވާބުދީފައެވެ.
Advertisement
ޝްރައްދާ އާ ގުޅޭ ގޮތުން ދައުރުވާ ރިޕޯޓްތަކާ ގުޅިގެން ޝަކްތީ ބުނީ އެކަހަލަ ކަމެއް އުޅޭ ކަމަކަށް އެނގިފަ ނުވާ ކަމަށެވެ. އަދި ޝްރައްދާގެ ދިރިއުޅުމުގެ ކަންކަން ނިންމާނީ ޝްރައްދާ ކަމަށެވެ.
"ޝްރައްދާ ދިރިއުޅުމުގައި ނިންމާ ކޮންމެ ނިންމުމެއްގައި އަހަރެން އޭނާއާ އެކީ ވާނަން، އެއީ އޭނާގެ ކައިވެނި ކަމުގައި ވީ ނަމަވެސް. ހަމައެކަނި ރޯހާން ޝްރެސްތާއެއް ނޫން. އެވަރިހަމަ ކޮންމެ މީހެއް ކަމުގަވީނަމަވެސް ޝްރައްދާ އެމީހަކާ އިންނަން ބޭނުން ނަމަ އަހަރެން ދެކޮޅެއް ނުހަދާނަން،" ޝަކްތީ ބުނެއެވެ.
ޝްރައްދާ އާ ބޮލީވުޑްގެ ފޮޓޯގްރާފަރެއް ކަމުގައިވާ ރޯހާން ޝްރެސްތާ ރައްޓެހިވެގެން އުޅޭ ކަމުގެ އަޑުތައް ފެތުރޭތާ ގިނަ ދުވަސްތަކެއް ވެއްޖެ އެވެ.
ވަރުންގެ ފަރާތުން ގިނަ ބަޔަކަށް ޝްރައްދާ އާ ރޯހާން ކައިވެނި ކުރަން އުޅޭކަން ޔަގީން ވެގެން ދިޔަ ނަމަވެސް އެ ދެމީހުންގެ ބަހެއް އަދިވެސް މިކަމުގައި ނުލިބެއެވެ.
އިންޑިއާ ލޮކްޑައުންއަކަށް ދިޔައިރު އާޝިގީ 2 އިން ވިދާލި ޝްރައްދާ ދިޔައީ ގިނަ ފިލްމުތަކެއްގައި މަސައްކަތް ކުރަމުންނެވެ. ސާހޯ ފަދަ ކާމިޔާބު ފިލްމުތަކުން ފެނުނު ޝްރައްދާ އެންމެ ފަހުން ފެނިގެންދިޔައީ ރޭމޯ ޑި ސޫޒާގެ ސްޓްރީޓް ޑާންސާ އިންނެވެ.
67%
ކަމުގޮސްފި
33%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
