ލަތާ---
ލަތާގެ ހާލު ސީރިއަސް، އައިސީޔޫގައި ފަރުވާދެނީ
12 ނޮވެންބަރ 2019 - 07:21:49
ގިނަ ބައެއްގެ ލޯބި ހޯދާފައިވާ ކުރީގެ މަޝްހޫރު ލަވަކިޔުންތެރިޔާ ލަތާ މަންގޭޝްކަރް ގެ ހާލު ސީރިއަސް ކަމަށާއި އައިސީޔޫގައި ފަރުވާދެމުން އެބަދެއެވެ.
Advertisement
ލަތާ އެޑްމިޓުކޮށްފައިވާ ހޮސްޕިޓަލުން ބުނީ އޭނާ އެހޮސްޕިޓަލަށް ގެނެސްފައިވަނީ ނޭވާލުމަށް އުނދަގޫތަކެއް ވާތީއެވެ. އަދި އޭނާ ހޮސްޕިޓަލަށް ގެންގޮސްފައިވަނީ އިއްޔެ މެންދުރު ފަހު ކަމަށް ވެސް ހޮސްޕިޓަލުން ވަނީ ބުނެފައެވެ.
އެކަމާ ގުޅޭގޮތުން ލަތާގެ އާއިލާގެ މެންބަރަކު ބުނީ އޭނާ މިހާރު އަންނަނީ މަޑުމަޑުން ހާލު ރަނގަޅު ވަމުން ކަމަށެވެ. މިއީ ލަތާގެ ސަޕޯޓަރުންނަށް ލިބިގެންދާނެ ހިތާމަވެރި ހަބަރެއް ކަން ހަގީނެވެ.
ބޮލީވުޑުގެ ގިނަ ފިލްމުތަކަށް ލަތާ ލަވަ ކިޔާފައި ވާއިރު ލަތާ ވަނީ ގިނަ އެވޯޑުތަކެއް ހާސިލްކޮށްފަ އެވެ. އެގޮތުން އެތައް އަހަރަކު އޭނާއަށް ވަނީ އެންމެ މޮޅު ޕްލޭބެކް އަންހެން ލަވަކިޔުންތެރިއެއްގެ އެވޯޑު ލިބިފަ އެވެ. އޭގެ އިތުރުން ހަތަރު ފަހަރު "ލައިފް ޓައިމް އެޗީވްވެންޓު އެވޯޑު" ވެސް އޭނާ އަށް ވަނީ ލިބިފަ އެވެ.
އުމުރުން 90 އަހަރުގެ ލަތާ ކިޔާފައިވާ ބައެއް ލަވަތަކުގެ ތެރޭގައި "ތުމްސޭ ނަޒަރް" އާއި "ތެރޭ ބިނަ ޒިންދެގީ ސެ" އާއި "ލަގްޖާ ގަލޭ" އާއި "ބާހޯމެ ޗަލެ އާއޯ" އާއި "ޖިޖަ ޖަލޭ" އާއި "ތޭރޭ ލިޔޭ" އަދި "މެހްބޫބު މެރޭ" ހިމެނެ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
