ޓްވިޓާގައި ހިއްސާ ކުރެއްވި މާނަ ފުން ޅެން ބައިތު ތަކުގައި ނަޝީދު ވިދާޅުވީ އެ ދުވަހުގެ ހަނދާންތައް އަންނަނީ ހިތުގައި ވިކަމުން ކަމަށެވެ. އަދި އެއީ ހަނދާނުން ފިލުވާލެވޭ ވަރުގެ ތަދެއް ނޫން ކަމަށާއި އެ ދުވަހު ހިނގީ "ކުޑަކުޑަ ކުށެއް" ނޫން ކަމަށް ވަނީ ވިދާޅުވެފަ އެވެ. އަދި އެތައް ޒަމާންތަކެއް ވަންދެން ވި ގުރުބާނީ ގެއްލިގެން ދިޔެއީ އުދުވާނީ އަމަލުތައް ހިންގާ އަމާންކަން ނަގާލައިގެން ކަމަށާއި އެއީ މައާފު ކުރެވޭ ވަރުގެ ކަމެއް ނޫން ކަމަށް ވެސް ވަނީ ވިދާޅުވެފަ އެވެ.
ފެބްރުއަރީ 7، 2012 އަކީ އޭރު އިދިކޮޅުގައި ތިބި ފަރާތްތައް ސިލްސިލާކޮށް މުޒާހަރާ ކުރަމުން ގޮސް، މުޒާހަރާ ހަމަނުޖެހުންތަކަށް ބަދަލުވެ، ފުލުހުންނާއި ސިފައިންގެ ތެރެއިން ބަޔަކު އެމީހުންނާއެކު ޖުމްހޫރީ މައިދާން ސަރަހައްދަށް ގޮސް ނަޝީދުގެ އިސްތިއުފާއަށް ގޮވާލަން ފެށި ދުވަހެވެ. އެ ދުވަހު ހާދިސާތަކަށް ފަހު އިސްތިއުފާ ދެއްވީ މަޖުބޫރުން ކަމަށާއި އެއީ ބަގާވާތެއް ކަމަށް ނަޝީދު ސިފަކުރައްވަ އެވެ.