އާއިލާގެ ފަރާތުން ވާހަކަދެއްކި މީހަކު މިއަދު ސީއެންއެމްއަށް މައުލޫމާތު ދެމުން ބުނީ ބައެއް ނޫސްތަކުން ދެކޮޅުނުބަލާ ހަބަރު ފަތުރަމުން ގެންދާ ކަމަށެވެ. އެގޮތުން އޭނާއަށް ހަަމަލާ ދިނީ ލޯބީގެ މައްސަލައެއްގައި ކަަމަށް ބުނެ ވެސް ފެތުރީ ދޮގެއް ކަމަށް އާއިލާއިން ބުނެއެވެ.
އާއިލާއިން ބުނީ އުދައްޔުއަށް ހަމަލާ ދިނީ އެކި ސަބަބުތަކާ ހުރެ ޒަމާނުއްސުރެ އެރަށުގައި ހިންގަމުން އަންނަ މާރާމާރީތަކެއްގެ ތެރެއިން ކަމަށެވެ.
މި ހަމަލާގައި އުމުރުން 17 އަހަރުގެ އަހުމަދު އުދައްޔު ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް އެ ރަށު ސިއްހީ މަރުކަޒުން ވަނީ ބުނެފައެވެ.
ދޭތެރެއަކުން މާރާމާރީގެ މައްސަލަތައް ކުރިމަތިވާ ކަމަށް އެރަށު ކައުންސިލުން ވެސް މިއަދު ވަނީ ބުނެފައެެވެ.
އުދައްޔުގެ އިތުރުން އޭނާގެ އެއްބަނޑު އެއްބަފާ ބޭބެ އުމުރުން 21 އަހަރުގެ ފިރުޝާން ޒާހިރަށް ވެސް ހަމަލާ ދިނެވެ. ރަށު ސިއްހީ މަރުކަޒުން ފަރުވާ ދިނުމަށް ފަހު އޭނާ މިހާރު ވަނީ ގދ. ތިނަދޫ އަބްދުއް ސަމަދު މެމޯރިއަލް ހޮސްޕިޓަލަށް ބަދަލުކޮށްފަ އެވެ.
އުދައްޔު: ފޮޓޯ އާއިލާ
