ގޮލްފް ކުޅުންތެރިޔާ ޓައިގަރ ވުޑްސް
ޓައިގާ ވުޑްސް ކާރު އެކްސިޑެންޓެއްވެ ހޮސްޕިޓަލުގައި
Share
ދުނިޔޭގެ އެންމެ މޮޅު ގޮލްފް ކުޅުންތެރިޔާ އަދި މިލިއަނަރު އެމެރިކާގެ ޓައިގާ ވުޑްސް، ކާރު އެކްސިޑެންޓެއްގެ ހޮސްޕިޓަލުގައި ފަރުވާ ދޭން ފަށައިފި އެވެ. އަންގާރަ ދުވަހުގެ ރޭ ހިނގި މި އެކްސިޑެންޓުގައި ޓައިގާ ވުޑްސްއަށް ބޮޑެތި އަނިޔާތަކެއް ލިބިފައިވާ ކަމަށް މީޑިއާ ރިޕޯޓްތައް ބުނެއެވެ.
Advertisement

މި އެކްސިޑެންޓް ހިނގާފައިވަނީ އެމެރިކާގެ ލޮސް އެންޖަލިސް ކައުންޓީގައެވެ. އެކްސިޑެންޓްވީ އިރު ޓައިގާ ވުޑްސް ނޫން އެހެން އެއްވެސް މީހަކު ކާރުގައި ނެތެވެ. އެކްސިޑެންޓުވުމާއި އެކު ޓައިގާ ވުޑްސް ހޮސްޕިޓަލަށް ގެންގޮސް ފަރުވާ ދެވެން ފަށާފައިވާއިރު، އޭނާގެ ފަޔަށް ބޮޑެތި އަނިޔާތާކެއް ލިބި، އޮޕަރޭޝަނެއް މިހާރު ކޮށްފައިވާ ކަމަށް މީޑިއާ ރިޕޯޓްތައް ބުނެއެވެ. މި ހާދިސާގެ ތަހުގީގު ކަމާ ބެހޭ ފަރާތްތަކުން އަންނަނީ ކުރަމުންނެވެ.

އުމުރުން ސާޅީސް ފަސް އަހަރުގެ ޓައިގާ ވުޑްސްއަކީ ގޮލްފުގެ ދުނިޔޭގެ އެއްވަނައެވެ. އޭނާވަނީ ބޮޑު ފަނަރަ މުބާރާތް ކާމިޔާބުކޮށްފައެވެ. އޭނާއަކީ ދުނިޔޭގެ އެންމެ މުއްސަނދި އެތްލީޓުންގެ ތެރޭގައިވެސް ހިމެނޭ އެތްލީޓެކެވެ. އޭނާގެ މިލްކިއްޔާތުގެ އަގު އަށްސަތޭކަ މިލިއަން ޑޮލަރަށްވުރެ ބޮޑު ކަމަށް ރިޕޯޓްތައް ބުނެއެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ގުޅުންހުރި މައުލޫތައް