Share
ނިމިދިޔަ ފެބްރުއަރީ މަހުގެ 26 ވަަނަ ދުވަހު އެއާޕޯޓު ޓާމިނަލް ސަރަހައްދުން، އަށް އަހަރުގެ ރަޝިޔާ ކުއްޖަކު މޫދަށް ވެއްޓުނު ހާދިސާގައި އެކުއްޖާ ސަލާމަތްކޮށްފައިވަނީ، އެމްއޭސީއެލްގައި މަސައްކަތްކުރާ ދެ މުވައްޒަފުންކަމަށްވާ ހަސަން ޒަރީރުއާއި އަބްދުލްއަޒީޒު އަބޫބަކުރު އެވެ.
ހަސަން ޒަރީރުއާއި އަބްދުލްއަޒީޒު އަބޫބަކުރު-
މިއަދު ރައްޔިތުންގެ މަޖިލީހުގައި ރައީސް ނަޝީދު ވަނީ މި ދެބޭފުޅުންނާއި ބައްދަލުކުރައްވާ އެކުއްޖާ ސަލާމަތް ކުރުމަށް ކުރެއްވި މަސައްކަތް ފާހަގަކޮށް، އެބޭފުޅުންނަށް ޝުކުރުއަދާކުރައްވާފަ އެވެ.
އެ ހާދިސާ ހިނގި ދުވަހު އެ ސަރަހައްދުގައި ތިން ކުއްޖަކު ސަކަރާތް ޖެހުމަށް އުޅުނުކަމަށް ވެއެވެ. އަދި އޭގެ ތެރެއިން ކުއްޖަކު މޫދަށް ވެއްޓިފައިވަނީ މިކުދިން ސަކަރާތް ޖަހާތީ އެއިން ކުއްޖަކު މޫދަށް ވެއްޓިދާނެ ކަމަށް ވިސްނާގެންތިއްބާ ކަމަށް އެ މުވައްޒަފުން ބުނެއެވެ.
ކުއްޖާ ވެއްޓުމާއިއެކު ދެ މުވައްޒަފުންވެސް މޫދަށް ފުއްމާލިއިރު، އެ ދެ މުވައްޒަފުންގެ މަސައްކަތުން ކުއްޖާ ވަނީ ސަލާމަތް ކުރެވިފައެވެ.
