އެކްޓަރު ޕަދްމިނީގެ ދަރިފުޅު ޕްރިޔާންކާ އާއި ޕްރޮޑިއުސަރު ކާރިމް މޮރާނީގެ ދަރިފުޅު ޝަޒާ ކައިވެނިކުރީ ފެބްރުއަރީ މަހުގެ ކުރީކޮޅު ކޯޓުގަ އެވެ.
ފަހުން ރައްޓެހިންނާއި ގާތް މީހުންނާއިއެކު އިންޑިއާގައިވެސް ޕާޓީއެއް ބޭއްވުމަށްފަހު، ރާއްޖެ އައިސްފައިވަނީ ވަރަށް ކުލަ ގަދަ ހަފްލާއެއް ބޭއްވުމަށެވެ.
ކައިވެނި ހަފްލާގެ ތެރެއިން
އެ ހަފްލާގައި ބައިވެރިވުމަށް ޝްރައްދާއާއެކު އޭނާގެ އާއިލާ ރާއްޖެއައިސްފައިވާއިރު ރާއްޖޭގައި ބޭއްވި އެ ހަފްލާގެ ލޯބި ފޮޓޯތަކެއް މިހާރު އަންނަނީ މީސްމީޑިއާގައި ދައުރުވަމުންނެވެ.
އިންޑިއާގެ ސަގާފަތާއި އެއްގޮތަށް އަދި މޮޑާން ސެލެބްރޭޝަނެއް ވެސް ވަނީ ބާއްވާފައެވެ.
އާއިލާގެ މީހެއްގެ ކައިވެނީގެ ރަސްމިއްޔާތެއްގައި ބައިވެރިވާން ޝްރައްދާ ރާއްޖެއަށް އައިއިރު މާޗު މަހުގެ 3 ވަނަ ދުވަހަކީ ޝްރައްދާގެ 34 ވަނަ އުފަން ދުވަހެވެ.
ކައިވެނި ހަފްލާގެ ތެރެއިން
މި އުފަންދުވަހުގެ ހަފްލާވެސް ކުލަ ގަދަކޮށް ފާހަގަކޮށްފައިވާއިރު އޭނާގެ ލޯބިވެރިޔާކަމަށް އަޑުތައް ފެތުރިފައިވާ ރޯހަން ޝްރެސްތާ ވެސް މި ފޮޓޯތަކުން ފެނެއެވެ.
