ސޯނަމް ކަޕޫރް އޭނާގެ ދުވަސްވީ ލޯބިވެރިޔާ ކަމަށްވާ އާނަންދު އަހޫޖާއާ ކައިވެނިކޮށްފައިވަނީ 2018 ވަނަ އަހަރު މޭމަހުގެ އަށްވަނަ ދުވަހުގަ އެވެ.
އެމީހުންގެ ކައިވެންޏަށް ތިން އަހަރު ވެފައިވާއިރުގައި އެ ޖޯޑުގެ ލޯބިކަމުގެ ވާހަކައަކީ ބެލުންތެރިން ދައްކާ ވާހަކަ އެކެވެ.
އެގޮތުން ސޯނަމް އޭނާގެ ފިރިމީހާއަށްޓަކާ އިސްދަށިގަނޑުގެ ކުލަ ބަދަލުކޮށްލިކަން އިއުލާނު ކުރުމުން ފޭންސްގެ ލޯ ބޮޑުވެގެން ދިޔަ އެވެ.
ސޯނަމް ދަނބުކުލައިގެ އިސްތަށި ގަނޑު ދައްކާލަނީ
ދާދިފަހުން ސޯނަމް އޭނާގެ އިންސްޓާގްރާމްގެ ސްޓޯރީގައި އޭނާގެ ދަނބު ކުލައިގެ އިސްދަށިގަނޑު ދައްކާލަމުން ބުނެފައިވަނީ އެކަން އޭނާ ކޮށްފައި ވަނީ ހަމަ އެކަނި އޭނާގެ ލޯބިވާ ފިރިމީހާއަށްޓަކާ ކަމަށެވެ. އަދި އާނަންދު ދެކެ ވަރަށް ލޯބިވާ ކަމަށް ވެސް ސޯމަން ބުނެފައި ވެއެވެ.
ސޯނަމް އެނާގެ ފިލްމު ޝޫޓިން ނިންމާލުމަށްފަހުގައި ފިރިމީހާއެކުގައި ވަގުތު ހޭދަކުރުމަށް ގޮސްފައިވަނީ ނިމިދިޔަ ބުރާސްފަތި ދުވަހުގަ އެވެ.
