ދުންޔާ މިހެން ވިދާޅުވީ، މިރޭ ކުރެއްވި ޓުވީޓެއްގައެވެ.
އެގޮތުން ކުޑަިއރު ފީކޯތް ކުޅުން އިރު، އަމިއްލަ ލޯމަތީ އަތް އަޅާއިގެން ފިލާ ހަދަން ވަރަށް މަޖާ ކަމަށް ދުންޔާ ވިދާޅުވިއެވެ.
ކުޑައިރު އެކަން މަޖާވި ނަމަވެސް، ރާއްޖޭގައި ދުވާލަކު 100 އަށް ވުރެ ގިނަ މީހުން ޕޮޒިޓިވްވާއިރު، މިކަމުން ސަލާމަތް ވުމަށް ސިޔާސީ ލީޑަރުން ލޮލުގައި އަތް އަޅާ ރާއްޖެ ބަލިން ސަލާމަތްވެއްޖެއޭ ބުނުން މަޖަލެއް ނޫން ކަމަށް ދުންޔާ ވިދާޅުވެފައިވެ އެވެ.
ދުންޔާ މިހެން ވިދާޅުވިއިރު، ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވަނީ ކޮވިޑް-19 އާއި ގުޅިގެން އިއުލާންކޮށްފައިވާ ލޮކްޑައުން އުވާލަން ފެންނަކަމަށް ވިދާޅުވެފަ އެވެ.
މީގެ އިތުރުން މަޖިލީހުގެ އިގްތިސާދީ ކޮމިޓީއަށް މިއަދު އެޗްޕީއޭގެ އިސްވެރިން ވަނީ ހާޒިރު ކޮށްފަ އެވެ. އަދި މިކަމާ ގުޅިގެން އިދިކޮޅުން އަންނަނީ، އިންތިހާބާއި ދިމާކޮށް ހާލަތު ބަދަލުކުރުމަށް ސަރުކާރުން އެޗްޕީއޭ ކުށްވެރި ކުރާ ކަމަށް ތުހުމަތު ކުރައްވާފަ އެވެ.
