އެގޮތުން މިދިޔަ އަހަރު ރާއްޖެއަށް ސައުދީއިން 50 މެޓްރިކް ޓަނުގެ ކަދުރު ދީފައިވާއިރުގައި މިއަހަރު ދީފައިވަނީ 24 މެޓްރިކް ޓަނުގެ ކަދުރެވެ. އެހެންކަމުން މިދިޔައަހަރުގައި ލިބުނު ކަދުރާ އަޅާބަލާއިރުގައި މިއަހަރު ލިބުނު ކަދުރުގެ އަދަދުވަނީ 26 ޓަނުުން ދަށަށް ގޮސްފަ ކަމަށް ފާހަގަކުރެވެ އެވެ.
ސީއެންއެމްއަށް މައުލޫމާތު ދެއްވަމުން އިސްލާމިކް މިނިސްޓަރު ޑރ. އަހުމަދު ޒާހިރު އަލީ ވިދާޅުވީ މިހާރު އެ ކަދުރުތައް ވަނީ ރާއްޖެއަށް ލިބިފައި ކަމަށާއި އެ ކަދުރުތައް ވަނީ މިހާރު މިނިސްޓަރީގައި ރައްކާކުރެވިފައި ކަމަށެވެ.
އަދި އެ ކަދުރުތައް މިނިސްޓްރީއާ ރަސްމީކޮށް ހަވާލުކުރުން މި ބުރާސްފަތި ނުވަތަ އަންނަ ހަފްތާގައި އޮންނާނެކަން ފާހަކުރަމުން މިނިސްޓަރު ވިދާޅުވީ ކަދުރު ބެހުމުގެ ކަންކަން މިފަހަރު އޮންނާނެ ގޮތް ހާމަކުރެވިގެންދާނީ ރަސްމީކޮށް ހަވާލުކުރެވުމުން ކަމަށެވެ.
މިދިޔަ އަހަރުގައި ރާއްޖެއަށް 50 މެޓްރިކް ޓަނުގެ ކަދުރު ލިބިފައިވާއިރުގައި މިއީ ރާއްޖޭގެ ހުރިހާ ގޭބީސީ އަކަށް 1 ޕެކެޓް ކަދުރު ދެވޭ ވަރަށް ވުރެ މަދު އަދަދެއް ކަމަށް އިސްލާމިކް މިނިސްޓްރީ އިން ބުނެފައި ވެއެވެ.
