ރާކީ އާންމުކުރި ވީޑިއޯއަކީ އޭނާ ހޯލީ ފާހަގަކުރުމަށް ނެށުމުގެ ހަރަކާތަށް އަރަން އުޅެނިކޮށް ނަށަން ފެށުމުގެ މާކުރިން ހެދުން އިރައިގެން ދިއުމުން އާންމުކުރި ވީޑިއޯއެކެވެ. އެގޮތުން އޭނާ ލައިގެން ހުރި ހެދުމުގެ ވާގަނޑު އިން ދިމާލުން އިރައިގެން ގޮސް، ކަނޑައިގެން ދިއުމުން ޕިނެއް ޖަހަން އުޅޭ މަންޒަރު ފެނިގެންދެ އެވެ.
އެކަމާއި ހިތްހަމަނުޖެހިން ރާކީ ވާހަކަ ވެސް ދެއްކި އެވެ. އެގޮތުން އޭނާއަކީ އާޓިސްޓެއްކަމުން، އެފަދަ ކަމެއް ސްޓޭޖްމަތީގައި ހުއްޓައި ހިނގައިފަނަމަ،"ކޮންޓްރޮވާސީ" އުފެއްދުމަށް އުޅެނީ ކަމަށް މީހުން ބުނާ ކަމަށާއި އެގޮތަށް ހެދުން ދިނުމުގެ ކުރިން ރަނގަޅަށް ބަލަންޖެހޭނެ ކަމަށް ބުނެ އެވެ.
ރާކީ ފެންނަނީ ފިޔާތޮށި ކުލައިގެ ލެހެންގާއެއް ލައިގެން ހުރި މަންޒަރެވެ.
މިފަހުން ރާކީ ޖިމުން ވެސް ވަރަށް ގިނައިން ފެނެ އެވެ. އެގޮތުން ސޯޝަލް މީޑިއާއަށް ވަރަށް ގިނައިން ފޮޓޯ އާއި ވީޑިއޯ އޭނާ ހިއްސާކުރެ އެވެ.
