މި ދެރަށް ވެސް މޮނިޓަރިންގެ ހާލަތުން ނަގައިފައިވާކަން ހާމަކުރަމުން އެޗްއީއޯސީއިން ބުނެފައި ވަނީ އެ ދެރަށުން އެންމެ ފަހުން ނެގުނު ސާމްޕަލްތައް ވަނީ ނެގެޓިވްވެފައި ކަމަށެވެ.
އެހެން ނަމަވެސް އެ ދެރަށުގައި ރެންޑަމް ސާމްޕަލް ނެގުމުގެ މަސައްކަތް ކުރިއަށްދާނެ ކަމަށް ވެސް އެޗްއީއޯސީއިން ވަނީ ބުނެފަ އެވެ.
އެއާޕޯޓް މުވައްޒަފުންތަކެއް ޕޮޒިޓިވްވެ، ކުޑަހުވަދޫ މޮނިޓަރިންއަށް ލާފައި ވަނީ މާޗު މަހުގެ 17 ވަނަ ދުވަހުގަ އެވެ. އަދި އެ ރަށުގައި އާންމުންގެ ތެރޭގައި ކޮވިޑް-19 ފެތުރެމުން ދިޔަ ކަމަށް ހެލްތު އިމަޖަންސީ އޮޕަރޭޝަން ސެންޓަރުން ވަނީ ބުނެފަ އެވެ.
ކުޑަހުވަދޫއިން މިހާތަނަށް 23 މީހަކު ވަނީ ކޮވިޑަށް ޕޮޒިޓިވްވެފަ އެވެ. އަދި އޭގެ ތެރޭގައި ހައި ރިސްކް، ދެ މީހުން ހިމެނޭ ކަމަށާއި އެކަކު ވަނީ ހުޅުމާލެ ކޮވިޑް ފެސިލިޓީއަށް ބަދަލު ކުރެވިފައި ކަމަށް ކައުންސިލުން ވަނީ މައުލޫމާތު ދީފަ އެވެ.
މަޑުއްވަރީ މޮނިޓަރިންގެ ހާލަތަށް ލާފައިވަނީ އުނގުފާރު ކުލަސްޓާއާއި ގުޅިގެން އެރަށުން ނެގި ސާމްޕަލްތަކުގެ ތެރެއިން މީހަކު ޕޮޒިޓިވްވުމާ ގުޅިގެން މާޗު މަހުގެ 23 ވަނަ ދުވަހުގަ އެވެ.
އަދި މިހާތަށް އެރަށުން ވަނީ ދެ މީހުކު ޕޮޒިޓިވްވެފަ އެވެ. އެއީ ކަރަންޓީނުގައި ހުރި މީހަކާއި އުނގޫފާރު ކުލަސްޓާއާއި ގުޅުން ހުރި މީހެކެވެ.
