އަނާރާ ކުރެއްވި ޓްވީޓެއްގަައި ވިދާޅުވެފައި ވަނީ މުއިއްޒު އަކީ އަދާލަތު ޕާޓީން ސިޔާސީ މަައިދާނަށް ތައާރަފްވި ކުޅަދާނަ ހިންގުންތެރިއެއް ކަމަށެވެ.
އަދި "ގައުމުއެދި ގޮވަނީ މިފަދަ ބޭފުޅުންނަށް" މުއިއްޒުގެ މިނިސްޓަރު ކަމުގައި މާލޭ ސިޓީގަައި ހިންގި މުހިންމު ދެ މަޝްރޫއު ކަމަށްވާ ސިނަމާލެ ބްރިޖް އާއި ކިންގް ސަލްމާން މިސްކިތުގެ ފޮޓޯއެއް ހިއްސާކޮށް އަނާރާ ކުރެެއްވި ޓްވީޓްގަައި ވިދާޅުވެފައިވެއެވެ.
ޑރ.މުއިއްޒު ވަނީ ރައީސް ޑރ. މުހައްމަދު ވަހީދާއި ރައީސް ޔާމީންގެ ވެރިކަމުގައި ހައުސިން މިނިސްޓަރު ކަން ކުރައްވާފަ އެވެ.
މުއިއްޒުގެ މިނިސްޓަރު ކަމުގައި އޭނާ ވަނީ ހުޅުމާލޭގެ ދެވަނަ ފިޔަވަހީގައި އެތައްހާސް ފްލެޓެއް އަޅާފަ އެވެ.އަދި މާލެ އާއި ހުޅުލެ ގުޅާލުމަށް އަޅާފައިވާ ސިނަމާލެ ބްރިޖުގެ މަޝްރޫއު އަމަލީ ގޮތުން ހިންގުމުގައި މުއިއްޒަކީ އެންމެ އިސްކޮށް ހުންނެވި އެއް ބޭފުޅެކެވެ.
މާލޭގެ މޭޔަރު ކަމަށް ވާދަ ކުރައްވަނީ ޕީޕީއެމްގެ ފަރާތުން މުއިއްޒާއި އެމްޑީޕީގެ ފަރާތުން އެ ޕާޓީގެ ކުރީގެ ސެކްރެޓަރީ ޖެނަރަލް އަނަސް އަބްދުއްސައްތާރު އެވެ. މީގެ އިތުރުން މަޖިލީހުގެ ކުރީގެ ފޭދޫ ދާއިރާގެ މެންބަރު އަލްހާން ފަހްމީ ވެސް ގެންދަވަނީ އަމިއްލަ ގޮތުން މާލޭގެ މޭޔަރު ކަމަށް ވާދަ ކުރައްވަމުންނެވެ.
