މާދަމާ ވޯޓުލާ ގަނޑި ފަސްކޮށްފައިވަނީ، މ. ރަތްމަންދޫ އަދި ވ. ތިނަދޫގައި ވޯޓުލާ ގަނޑިއެެވެ. އެ ދެ ރަށުގައި ވޯޓުލާން ފަށާނީ މާދަމާ ހެނދުނު 08:30 އިން ހަވީރު 05:00 އަށެވެ.
މިކަން ހާމަކޮށް އިލެކްޝަން ކޮމިޝަނުން ބުނީ ރަތްމަންދޫ އަދި ތިނަދޫގައި ވޯޓުލާ ގަނޑި ފަސްކުރެވިފައިވަނީ އެ ދެރަށުގައި ވޯޓުލާ މަރުކަޒުތަކުގައި ހަރަކާތްތެރިވާ އޮފިޝަލުން ހަމަޖެހިފައިވަނީ އެހެން ރަށްރަށުން ކަމަށްވާތީ ކަމަށެވެ.
ރާއްޖޭގެ އެހެން ސަރަހައްދުތަކުގައި ވޯޓުލާން ފެށޭ ގަނޑިއެއްގެ ގޮތުގައި އިލެކްޝަން ކޮމިޝަނުން އިއުލާންކޮށްފައިވާ ގަނޑިއަކީ މާދަމާ ހެނދުނު 07:00 ޖަހާއިރުއެވެ. 07:00އިން ހަވީރު 05:00 އަށް ވޯޓުލުމުގެ ކަންކަން މާދަމާ ކުރިއަށް ދާނެއެވެ. އަަދި ކަރަންޓީން ވެފައިވާ މީހުންނަށް 05:00 އިން ފެށިގެން އިރުއޮށްސި 06:00 ކާއި ހަމަޔަށް ވޯޓުލުން ހުޅުވާލާނެއެވެ.
މިވަގުތުތަކުގައި ކެނޑިޑޭޓުންނަށް ވޯޓު ހޯދުމާއި ކެމްޕެއިން ކުރުމުގެ ހަރަކާތްރައް ހިންގުމަކީ މަނާކަމެކެވެ. މި އިންތިހާބުގައި ޖުމުލަ 3،934 ކެނޑިޑޭތުން ވާދަކުރެއެވެ. އެއީ ކައުންސިލް އިންތިހާބުގައި 2264 ކާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކުން 1670 ކެނޑިޑޭޓެކެވެ. ވޯޓުނެގުމަށްޓަކައި ތައްޔާރުކޮށްފައިވާ ޖުމްލަ 498،184 ވޯޓު ކަރުދާސްތައް މިހާރު ޗާޕުކޮށްފައިވާއިރު މި އިންތިހާބުގައި ދެލައްކައަށް ވުރެ ގިނަ މީހުންނަށް ވޯޓުލުމުގެ ހައްގު ލިބިގެންވާ އީސީން ވަނީ ބުނެފައެވެ.
