އަމްރު މިހެން ވިދާޅުވެފައި ވަނީ މިރޭ ދަނޑުވެރިން ހައްދާ ތަކެތި ގަންނަން އެސްޓީއޯ އިން "އެގްރިސެންޓާ" ގެ ނަމުގައި ސެންޓަރެއް ހުޅުވާދިނުމުގެ ރަސްމިއްޔާތުގައި ވާހަކަދައްކަވަމުން ނެވެ.
އަމްރު ވިދާޅުވީ މިއީ ރާއްޖޭގެ ދަނޑުވެރިންނަށް ފުޅާ ދާއިރާއެއްގައި ދަނޑުވެރިކަމުގެ ވިޔަފާރި ކުރުމުގެ ފުރުސަތު ހޯދައި ދިނުމަށް ހުޅުވި ސެންޓަރެއް ކަމަށާއި އެ ސެންޓަރު މެދުވެރިކޮށް، ދަނޑުވެރިންނަށް ހަމަ އަގުގައި ތަކެތި ވިއްކޭނެ ކަމަށެވެ.
ވިޔަފާރިއެއްގެ ގޮތުގައި ދަނޑު ހައްދާ ކަމަށް ވަންޏާ ހިސާބެއް ޖެހެން ޖެހޭނެކަން ފާހަގަކުރަމުން އަމްރު ވިދާޅުވީ އެ ސެންޓަރުގެ ބޭނުމަކީ ރާއްޖޭގައި ހައްދާ އެއްޗެހި ރަނގަޅު އަގެއް ލިބޭނެ ކަމުގެ ޔަގީންކަން ދިނުން ކަމަށެވެ.
އެގްރޯ ސެންޓަރުން ގަންނަ ތަކެތި ވިއްކާނީ ހޯލްސޭލްކޮށް ކަމަށާއި ރިސޯޓުތަކަށް އެ ތަކެތި ވިއްކަން ރާވާފައިވާ ކަމަށް އަމްރު ވިދާޅުވި އެވެ.
އަދި އެ ކަމުގައި ރިސޯޓުތަކުގެ އެއްބާރުލުން ލިބޭނެ ކަމަށް ވެސް އަމްރު ވިދާޅުވި އެވެ.
އެސްޓީއޯގެ ކުރީގެ ސިމެންތި ގުދަން ހުރި ތަނުގައި ހުޅުވި، އެގްރިސެންޓަރުން މާދަމާ އިން ފެށިގެން ތަކެތި ގަންނަން ފަށާނެ އެވެ.