އެގޮތުން މިއަދުގެ ސީއެންއެމް ބަދިގޭގައި މި ކިޔައިދެނީ މި ރޯދަމަހު ގޭގައި ފަސޭހައިން ތައްޔާރު ކޮށްލެވިދާނެ ބުއިމެއް ތައްޔާރުކޮށްލާނެ ގޮތެވެ.
މިއަދުގެ ބުއިމަކަށް މި ހިމަނާލަނީ “ ސްޕާ ފްރުޓް ސްމޫތީ” އެވެ.
މި ސްމޫތީ ތައްޔާރުކޮށްލުމަށް ބޭނުންވާނެ އެެެއްޗިއްސާއި ތައްޔާރު ކުރައްވާނެ ގޮތް ތިރީގައި އެވަނީއެވެ
ބޭނުންވާނެ ތަކެތި:
- ފުރޯޒެން ޗެރީސް
- ކިވީއެއް
- އެއް ތަށި އަލްމަންޑް ކިރު
ތައްޔާރު ކުރާނެ ގޮތް:
އެންމެ ފުރަތަމަ ކިވީ ފޮތިފޮތި ކޮށްލާފައި ދެ ފޮތި ވަކިން ބައިންދާލާށެވެ. އެ ދެ ފޮތި ބޭނުން ކުރާނީ ސްމޫތީ ތައްޔާރުކޮށްލުމަށް ފަހު ގާނިޝް ކޮށްލުމަށެވެ.
ބާކީ ކިވީގެ ފޮތިތައް ފްރޯޒެން ޗެރީސް، އަދި އަލްމަންޑް ކިރާ އެކު މިކްސަރުގައި ރަނގަޅަށް ގިރާލާށެވެ. ދެން ތަށްޓަށް މިކްސްކުރި ސްމޫތީ އަޅާލުމަށް ފަހު، ގާނިޝް ކުރުމަށް ބޭންދި ކިވީގެ ދެ ފޮތި ތަށީގެ މަތީގައި ޖަހާލުމުން، “ސްޕާ ފްރުޓް ސްމޫތީ“ މިހާރު ތިހުރީ ތައްޔާރުވެފައެވެ.
މި ސްމޫތީއަކީ ސިއްހަތަށް ވަރަށް ފައިދާކުރާނެ ރޯދަ ވީއްލާ ގަޑީގައި ނުވަތަ ތަރާވީސް ގަޑީގައިވެސް ބޯލަން ވަރަށް މީރު ބުއިމަކަށް ވާނެއެވެ.