ޝަރީފް ކުރެއްވި ޓުވީޓެއްގައި ވިދާޅުވީ، ބަދަލު ކުރަން ޖެހޭނީ ވެރިކަމުގައި ތިބި މީހުން ކަމަށެވެ. އަދި ވެރިކަން ކުރަން ނޭނގުމުން ވެރިކަމުގެ ނިޒާމު ނޫން ކަމަށެވެ.
މީގެ އިތުރުން ވެރިކަން ކުރަން ތިބި މީހުން ބަދަލު ކުރެވޭނީ ރައްޔިތުންގެ ވޯޓަކުން ކަމަށާއި، ވެރިކަމުގެ ނިޒާމާ ގުޅިގެން ތާއީދު ކުރާނީ ރައްޔިތުންގެ ނިންމުމަށް ކަމަށް ޝަރީފް ވިދާޅުވިއެވެ.
ޝަރީފް މިހެން ވިދާޅުވެފައި ވަނީ، މަޖިލީހުގެ ރައީސް މުހައްމަދު ނަޝީދު، ރައީސް އިބްރާހީމް މުހައްމަދު ސޯލިހަށް ފޮނުއްވި މެސެޖެއްގައި، ބަރުލަމާނީ ނިޒާމަކަށް ވެރިކަން ފުރޮޅާލާ، ބޮޑުވަޒީރެއްގެ ގޮތުގައި ގައުމު ހިންގަން ބޭނުންވާކަމަށް ވިދާޅުވުމާއި ގުޅިގެން ކުރެއްވި ޓުވީޓެއްގައެވެ.
މި މައްސަލައިގައި ގިނަ ބަޔަކު ނަޝީދަށް ފާޑުކިޔާފައި ވާއިރު، ނިޒާމު ބަދަލު ކުރެވޭނީ ރައްޔިތުންގެ ވޯޓަކުން ކަމަށް ރައީސް ސޯލިހުވެސް ވަނީ ވިދާޅުވެފައެވެ.
