އެގޮތުން އެ ލިސްޓު އާންމުކޮށްފައި ނުވާތީ ކުރިން ރާއްޖޭގެ ފޮރިން މިނިސްޓަރުކަން ކުރެއްވި ދުންޔާ މައުމޫން ވަނި އެކަމާ ނުރުހުންފާޅުކޮށްފައެެެވެ. ދުންޔާ ވިދާޅުވީ ދިވެހިރާއްޖޭގައި ހިންގާފައިވާ އެންމެ ބޮޑު ވައްކަމުގެ ބައިވެރިންގެ ލިސްޓު ހާމަކުރުމާ މެދު ބަހަނާ ދައްކަނީ ކޮންމެވެސް ބައެއް ހިމާޔަތްކުރުމަށްކަމަށް ދެކޭ ކަމަށެވެ.
އެ ލިސްޓު ދިރާސާ ކުރުމާއި މައްސަލަ ތަހުގީގު ކުރުމަށް ކުރިއަށް ގެންދާ ކޮމިޓީގައި ހަސަން ލަތީފު ވަކާލާތު ކުރެއްވީ އެ ލިސްޓު "ހާމަ ނުކުރެވޭނެ" ކަމަށެވެ. ހަސަން ލަތީފު ވިދާޅުވީ "މި ކޮމިޓީއަށް އަދި ލިސްޓެއްގައި ނަންތަކެއް، ހުރެގެން އަޅުގަނޑުމެންނަށް އެ ލިބުނު ކަމުގައި ވިޔަސް ވެސް އެ މައުލޫމާތަކީ ހާމަކުރެވޭނެ މައުލޫމާތެއް ނޫން." ކަަމަށެެވެ.
އެކަމާ ގުޅިގެން ގިނަ ބައެއްގެ ފާޑުކިޔުން ކޮމިޓީއާއި ހަސަން ލަތީފަށް އަމާޒުވެގެން ދިޔަ އިރު ގިނަ ބަޔަކު ބުނަމުން އަންނަނީ ބޮޑު ހިޔާނާތުގެ ލިސްޓް އަތައް ލިބުމުން ކޮމިޓީ މެމްބަރުންގެ ރާގު ބަދަލުވެފައިވާ ކަމަށެވެ.
