ކާފިއު ވަގުތު ބޭރުގައި އުޅޭ މީހެއްގެ އަތުގައި ހުއްދަ އޮތްތޯ ބަލަނީ --
ކާފިއު ވަގުތު ބޭރުގައި އުޅުނު 252 މީހަކު ޖޫރިމަނާ ކޮށްފި
މަރިޔަމް ޝަހުދާ
19 މޭ 2021 - 22:44:56
ކާފިއު ވަގުތު ބޭރުގައި އުޅުނު 252 މީހަކު ފުލުހުން ޖޫރިމަނާ ކޮށްފި ކަމަށް ރައީސް އޮފީހުގެ ތަރުޖަމާނު މުހައްމަދު މަބްރޫކު އަޒީޒު ވިދާޅުވެއްޖެ އެވެ.
އެޗްއީއޯސީން މިހާރު ބާއްވާ ނޫސްވެރިންގެ ބައްދަލުވުމުގައި ވާހަކަ ދައްކަވަމުން މަބްރޫކު ވިދާޅުވީ، ފުލުހުންނާއި ސިފައިން ގުޅިގެން މާލޭ މަގުތައް ބެލެހެއްޓުމަށް ކުރި މަސައްކަތުގައި މާސްކު ނާޅާ ބޭރުތެރޭ އުޅުމުގެ ސަބަބުން 159 މީހަކު ޖޫރިމަނާ ކޮށްފައިވާ ކަމަށެވެ.
މީގެ އިތުރުން ކާފިއު ވަގުތު ބޭރުތެރޭ އުޅުނު 252 މީހަކު ޖޫރިމަނާ ކޮށްފައިވާ ކަމަށް މަބްރޫކު ވިދާޅުވިއެވެ. އަދި ކެފޭ، ފިހާރަ އަދި ސެލޫން ފަދަ ތަންތަނުން ހިދުމަތް ހޯދި ހަތަރު މީހަކު ޖޫރިމަނާ ކޮށްފައިވާ ކަމަށް މަބްރޫކު ވިދާޅުވިއެވެ.
ރާއްޖޭގައި ކޮވިޑްގެ ކޭސްތައް ދުވަހަކުން ދުވަހަށް އިތުރު ވަމުންދާތީ ބަލި ކޮންޓްރޯލް ކުރުމަށްޓަކައި އެޗްޕީއޭއިން އަޅާފައިވާ ފިޔަވަޅުތައް އިތުރަށް ދަންމަން އެޗްޕީއޭއިން ވަނީ ނިންމާފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
