Advertisement

މިހާރު ރާއްޖެއަށް ކުރަމުން އަންނަ ވިއްސާރާގައި ވިލާގަނޑުގައި އާދައިގެ ވަރަކަށް ގަވާނެކަމަށް މެޓް އޮފީހުން ބުނެފިއެވެ.

މޫސުމާ ބެހޭ ގައުމީ އިދާރާއިން ބުނީ ވައި ހުންނާނީ އުތުރުގެ އަތޮޅުތަކަށް ހުޅަނގު ދެކުނާއި ހުޅަނގުން ގަޑިއަކު ތިން މޭލާ 13 މޭލާއި ދެމެދުގެ ބާރުމިނުގައެވެ. އަދި އެހެން ހިސާބު ތަކަށް އިރާއި އިރު ދެކުނުން ގަޑިއަކު ފަސް މޭލާ 15 މޭލު ދެމެދުގެ ބާރުމިނުގައި ވައި ޖެހޭނެއެވެ. ވިލާގަނޑުގައި ގަޑިއަކު ގާތްގަނޑަކަށް 30 މޭލަށް ވައިގަދަވުން އެކަށީގެންވާކަމަށެވެ.

"ކަނޑުތައް އާދައިގެ ވަރަކަށް މަޑުވެފައި ވިލާގަނޑުގައި އާދައިގެ ވަރަކަށް ގަދަ ވާނެ" މެޓް އޮފީހުން ބުންޏެވެ.

ރާޅުގެ އުސްމިނުގައި ދެ ފޫޓާ ހަތަރު ފޫޓު ހުންނާނެކަމަށް މެޓް އޮފީހުން ބުނެއެވެ.

ރާއްޖެއަށް ކުރަމުން ދާ ވިއްސާރައިގަ އިއްޔެ އައްޑޫ ސިޓީގެ ގިނަ ގެތަކަށް ފެން ވަނުގެ ސަބަބުން ސަލާމަތީ ބާރުތަކުން ވަނީ އެހީތެރިކަން ފޯރުކޮށްދީފައެވެ.