އުމުރުން 21 އަހަރުގެ ޔެބެސް އަންނަނީ އޭނާގެ އަޖައިބުވަނިވި މި ކުރެހުންތައް ސޯޝޯލް މީޑިއާގައި ދައްކާލަމުންނެވެ. އޭނާ އެންމެ ބޮޑަށް މަޝްހޫރުވެފައިވަނީ، ކްއިރިނޯ ހިލް ސީނެރީ ފެންނަ ކެމަފްލާޖް ފޭސް ޕެެއިންޓިންއެއްގެ ސަބަބުންނެވެ.
އެ ފޭސް ޕެއިންޓިންގައި އޭނާވަނީ ހިލްގެ މަތިން ފެންނަ ގުދުރަތީ ރީތި މަންޒަރު އޭނާގެ މޫނުގައި ކުރެހި ކުރެހުމުން ކެމަފްލާޖް ކޮށްލާފައެވެ. އެ ކުރެހުމުގެ މޮޅު ކަމުން ގިނަ ބަޔަކު އަންނަނީ އެއީ އެޑިޓެއް ކަމަށް ވެސް ބުނަމުންނެވެ. އެހެންނަމަވެސް އޭނާ ވަނީ އެކަމަށް ރައްދުދިނުމުގެ ގޮތުން އަލުން އެމަންޒަރު ފެންނަ ކުރެހުން އެނާގެ މޫނުގައި ކުރަހާ މަންޒަރު ޔޫޓިއުބް ވީޑިއޯއެއްގައިވެސް ދައްކާލާފައެވެ.
މީގެ އިތުރުންވެސް ވެލީ ތަކާއި، ކޯރުތަކާއި ޕާކުތަކުގެ ކެމަފްލާޖް ކުރެހުންތަކެއްް އޭނާވަނީ މޫނުގައި ކުރުހާފައެވެ.
މި ފޮޓޯތައްވެސް ވައިރަލްވެ، އޭނާ މިހާރުވަނީ ގިނަ ކުރެހުންތެރިންގެ އިންސްޕްރޭޝަން އަކަށްވެސް ވެފައެވެ.