ސީއެއެންއެން ޓައުން ހޯލް އިވެންޓްގައި ވާހަކަދައްކަވަމުން ބައިޑެން ވިދާޅުވީ ރައީސް އެއް ކަމުގެ އިހުސާސް އޭނާއަށް ކުރެވެނީ ވަރަށް މަދު ފަހަރެއްގައި ކަމަށެެވެ. އަދި ރައީސް އޮފީހާއެކު ލިބިފައިވާ ބާރުތަކުގެ އިހުސާސްވެސް ނުކުރެވޭ ކަމަށް ބައިޑެން ވިދާޅުވިއެވެ.
ބައިޑެން ވިދާޅުވީ ފުރަތަމަ ފަހަރަށް އޮފީހުގެ ބާރު އިހުސާސް ކުރެވުނީ ޖޫން މަހުގައި އޮތް ޖީ7 ސަމިޓަށް ވަޑައިގެން ދުނިޔޭގެ ލީޑަރުންނާއި ބައްދަލުވުމުން ކަމަށެވެ.
އަދި ރަޝިޔާގެ ރައީސް ޕުޓިން އާއި ބައްދަލުވުމުން "މިނިވަން ދުނިޔޭގެ ލީޑަރެއް ކަމުގެ އިހުސާސް ކުރެވުނު ކަމަށެވެ.
ޖީ7 ސަމިޓުގެ ކުރިން ދެއްވި އިންޓަވިއުއެއްގައި ރައީސް ބައިޑެން ވަނީ ރަޝިއާގެ ލީޑަރަކީ ގާތިލެއް ކަމަށް ތުހުމަތު ކޮށްފައެވެ. އެމައްސަލައިގައި ރަޝިޔާއިން ވަނީ ވޮޝިންޓަނަށް ކަނޑަައަޅައިފައިވާ އެމްބަސަޑަރު އަނބުރާ ގައުމަށް ގެނެސްފައެވެ. އަދި އެގައުމުގައި ހުރި އެމެރިކާ އެމްބަސަޑަރުވެސް އަނބުރާ ގައުމަށް ދިއުމަށް ލަފާ ދީފައެވެ.
ޖީީ7 ސަމިޓަށް ފަހު ސްވިޒަލޭންޑުގެ ޖެނީވާގައި ބައްދަލުކުރެއްވުމަށް ފަހު އެ ދެ ލީޑަރުން ވަނީ ހީނަރުވެފައިވާ ގުޅުން ބަދަހި ކުރުމަށް ގިނަ ނިންމުންތައް ނިންމާފައެވެ. އެގޮތުން އަނބުރާ ގައުމަށް ގެނައި އެމްބަސަޑަރުންވެސް އެމީހުންގެ މަގާމަށް އަނބުރާ ފޮނުވަން ނިންމާފައިވެއެވެ.
