މިފަދައިން ކިޔެވުން ކުރިއަށް ނުގެންގޮސް ބޮލީވުޑްގައި މަޝްހޫރުވި ގިނަ ތަރިންނެއް އެމީހުންގެ އެކްޓިން އާއި ހުނަރާއި ރީތިކަމުން މީހުންގެ މަގުބޫލުކަން ހޯދައި މަޝްހޫރުވެފައިވެއެވެ.
މިގޮތުން އާލިއާ އަކީ އޭނާގެ ފުރާވަރުގައި ކިޔެވުން ދޫކޮށްލައި ބޮލީވުޑްގައި މަސައްކަތްކުރަން ފެށި ފަންނާނެކެވެ. އޭނާވަނީ އޭނާގެ ސްކޫލް ދައުރު ނިންމުމަށް ފަހުގައި ބޮލީވުޑްގައި މަސައްކަތް ކުރަން ފަށާފައެވެ.
އާލިއާ ބާޓް
ހަމައެފަދައިން ކަރީނާވެސް އޭނާގެ ކިޔެވުން ދޫކޮށްލީ އެކްޓިންގެ ކެރިއަރަށްޓަކައެވެ. މިގޮތުން ސްކޫލް ދައުރު ނިންމުމަށް ފަހުގައި އޭނާ ކޮމާސް އިން ޑީގްރީ ހާސިލްކުރުމަށް އެންރޯލްވިއެވެ. އެހެންނަމަވެސް އެ ކޯސް ފުރިހަމަ ނުވަނީސް އޭނާ އަނެއްކާވެސް ލޯޔަރަކަށް ވުމަށް ކިޔަވަން ފެށިއެވެ. ނަމަވެސް އެކޯސްވެސް އޭނާ ދޫކޮށްލީ ހަޔާތުގެ ބާކީބައި އެކްޓިންގެ ކެރިއާގައި ކުރިއަށް ދިއުމަށްޓަކައެވެ.
ކަރީނާ ކަޕޫރް
ލިސްޓުގެ ތިންވަނާގައި ހިމެނެނީ ޕްރިޔަންކާ ޗޯޕްރާއެވެ. ތެދެކެވެ. ވިސްނުން ތޫނު މިފަންނާނަކީ ކިޔެވުން ދޫކޮށްލި ފަންނާނެއްކަން ގަބޫލުކުރުމަކީ އުނދަގޫ ކަމަކަށް ވެދާނެއެވެ. އޭނާ ކިޔެވުމަށް ކޮލެޖަކަށް ވަތް ނަމަވެސް މިސް ވޯލްޑް ލިބުމުން ދެން އޭނާ ބެލީ ކިޔެވުންދޫކޮށް އެކްޓިންގެ ކެރިއަރުން ކުރިއަށް ދެވޭތޯއެވެ.
ޕްރިޔަންކާ ޗޯޕްރާ
މިފަދައިން ކިޔެވުން ދޫކޮށްލި ފަންނާނުންގެ ތެރޭގައި ގިނަ ބަޔަކަށް މަގުބޫލު ފަންނާނެއް ކަމަށްވާ ކެޓްރީނާ ކެއިފް ވެސް ހިމެނެއެވެ. ކެޓްރީނާ އޭނާގެ ސްކޫލް ދައުރުވެސް ކިޔެވުން ނިންމީ ގޭގައި އިނދެގެންނެވެ.
ކެޓްރީނާ ކައިފް
މުޅި ދުނިޔޭގެ އެންމެ ރީތި އަންހެނާ ކަމުގެ ލަގަބު ހޯދާފައިވާ އައިޝްވަރިޔާ ރާއި އަކީވެސް އެކްޓިންގެ ކެރިއަރުން ކުރިއަށް ދިއުމަށް ކިޔެވުން ދޫކޮށްލި ފަންނާނެކެވެ. އޭނާ އާކިޓެކްޗާ އިން ކުރިއަށް ދާން ނިންމި ނަމަވެސް ބޮލީވުޑަށް ދިއުމަށްޓަކައި ކިޔެވުން ދޫކޮށްލީއެވެ.
އައިޝްވަރްޔާ ރާއި
މިހުރިހާ ތަރިންނަކީވެސް އެކްޓިންގެ ކެރިއަރުން ކުރިއަށް ދިއުމަށްޓަކައި ކިޔެވުން ދޫކޮށްލި ފަންނާނުންނެވެ. އެހެންނަމަވެސް އެކަމަކީ އެ ފަންނާނުންގެ ކުރިއެރުމަށް އެޅޭ ހުރަހެއް ނޫންކަމަށް އެފަންނާނުން ވަނީ ސާބިތުކޮށްދީފައެވެ.
