މިހާރުވެސް ރާއްޖެ އޮތީ ޔޫކޭގެ ރިވިއުގައި ރެޑް ލިސްޓުގައެވެ. އަދި މިމަހުގެ 30 ވަނަ ދުވަހުން ފެށިގެން ރެޑް ލިސްޓުގައި ހިމަނާ ގައުމުތަށް އިއްޔެ އާއްމުކުރިއިރު އެ ރިވިއުގައިވެސް ރާއްޖެ އޮތީ ރެޑް ލިސްޓުގައި ހިމަަނަން ނިންމާފައެވެ.
ރެޑް ލިސްޓުން މިފަހަރުވެސް ރާއްޖެ ނުނެގުމުން އެ ގައުމަށް ކަނޑައަޅާފައި ހުންނަވާ ރާއްޖޭގެ ސަފީރު ޑރ. ފަރަހަނާޒް ފައިސަލް ވަނީ ރާއްޖޭގައި ކޮވިޑުގެ ކޭސްތައް މަދުވެފައި އަދި ވެކްސިން ރޭޓު އިތުރުވި ނަމަވެސް ރެޑް ލިސްޓުން ނުނަގާތީ ކަންބޮޑުވުން ފާޅުކުރައްވައިފައެވެ.
30 ވަނަ ދުވަހުން ފެށިގެން ރެޑް ލިސްޓުގައި ހިމަނާ ގައުމުތަކުގެ ތެރޭގައި ރާއްޖޭގެ އިތުރުން 50 އަށްވުރެ ގިނަ ގައުމު ހިމެނެއެވެ. އަދި ހަތް ގައުމެއް ވަނީ ގްރީން ލިސްޓަށް އަރުވައިފައެވެ. އެއީ ސްވިޒަލެންޑް، ޑެންމާކް، ކެނެޑާ, ލިތުއޭނިއާ އަދި ފިންލެންޑް އެެވެ.
އިނގިރޭސި ވިލާތުން ދަތުރުކުރެވޭ ގައުމުތަކުގެ ލިސްޓު އޮންނަނީ ތިން ކެޓެގަރީއަކަށް ބަހާލައިފައެވެ. އެއީ ގްރީން، އެމްބާ އަދި ރެޑެވެ.
އިނގިރޭސި ވިލާތުން ދަތުރުކުރެވޭ ގައުމުތަކުގެ ލިސްޓު އޮންނަނީ ތިން ކެޓެގަރީއަކަށް ބަހާލައިފައެވެ. އެއީ ރެޑް، ގްރީން އަދި އެމްބާ އެވެ.
ރެޑް ލިސްޓުގައި ހިމެނޭ ގައުމުތަކަށް ދަތުރުކުރުން މަނާވާއިރު، އެގައުމަށް އެތެރެވާނަމަ 10 ދުވަހުގެ ކަރަންޓީނު މުއްދަތު ފުރިހަމަ ކުރަންޖެހޭނެއެވެ.
ގްރީން ލިސްޓުގައި ހިމަނަނީ ދަތުރުކުރުން ރައްކާތެރި ގައުމުތަކެވެ. މިގައުމުތަކުން އިގިރޭސިވިލާތަށް ދާނަމަ ކަރަންޓީން ވާކަށް ނުޖެހެއެވެ.
