މިސެންޓަރުގެ ބޭނުމަކީ ހިދުމަތްތައް ފޯރުކޮށްދޭ ފަރާތްތަކަށާއި، އެހެނިހެން ވިޔަފާރިވެރިންނަށް "ޖީޕޮން" ގެ ހިދުމަތް ފުޅާ ދާއިރާއެއްގައި ލިބޭނެ މަގުފަހި ކޮށްދިނުމެވެ. "ޖީޕޮން" ޓެކްނޮލޮޖީ އަކީ ފައިބާ ޓެކްނޮލޮޖީގެ ވައްތަރެކެވެ.
އެއްބަސް ވުމުގައި ސޮއި ކުރެއްވުމަށް ފަހު
މިއެގްރީމެންޓްގައި އެޗްޑީސީގެ ފަރާތުން ސޮއި ކުރެއްވީ މެނޭޖިން ޑިރެކްޓަ ސުހައިލު އަހްމަދެވެ. އަދި މެކްސްކޮމް ޓެކްނޮލޮޖީގެ ފަރާތުން ސޮއި ކުރެއްވީ މެކްސްކޮމް ޓެކްނޮލޮޖީސްގެ މެނޭޖިން ޑިރެކްޓަ މުހައްމަދު ފަޒީލް އެވެ.
އެޗްޑީސީގެ ސްމާޓް ސިޓީ މަޝްރޫއުއަކީ ރާއްޖޭގައި ހިންގޭ މިފަދަ ފުރުތަމަ މަޝްރޫއުއެވެ.މަޝްރޫއުގެ ބައިވެރިވާ ފަރާތްތަކަށް ޑިޖިޓަލް ޕްރޮޑަކްޓެއް ނުވަތަ ހިދުމަތެއް ތައާރަފު ކުރާނަމަ މިހާރަށްވުރެ ފުޅާދާއިރާ އެއްގައި ޕްރޮޑަކްޓް ނުވަތަ ހިދުމަތް ޓެސްޓްކުރުމުގެ ފުރުސަތު ފަހިވެގެންދާނެކަމަށް އެޗްޑީސީން ބުނެފައިވެއެވެ.
ޑިޖިޓަލީ ކަނެކްޓަޑް ސިޓީއެއް އުފެއްދުމަށް ބޭނުންވާ އުމްރާނީ އޮނިގަނޑު އެޗްޑީސީއިން ގާއިމު ކުރާއިރު މަޖުތަމަތުއަށް ބޭނުންހުރި ޑިޖިޓަލް ވަސީލަތްތަކާ ހިދުމަތްތައް މި އިންފްރާސްޓްރަކްޗަރގެ ދަށުން ތައާރަފްކޮށް ހިންގާނީ މުޖުތަމައުގައި ތިބި ފަންނީ މީހުންނާއި ކުންފުނިތަކުންނެވެ.
