އަމްޖޭ ބުނީ އެ ދެ ފަންނާނުންގެ އިތުރުން ވެސް ވަރުގަދަ ކާސްޓެއް މި ސީރީޒުން ފެންނާނެ ކަމަށާއި ނަމަވެސް އެއީ ކޮން ބައެއް ކަން ވަރަށް އަވަހަށް އިއުލާނު ކުރާނެ ކަމަށެވެ.
"ޑައިރީ" ގެ ކޮންމެ އެޕިސޯޑެއްގައި ތަފާތު ވާހަަކަ އެއް ދައްކުވައިދޭނެ ކަމަށް އަމްޖޭ ބުނާ އިރު އެ ސީރީޒްގެ ސްކްރީން ޕްލޭ ވެސް ތައްޔާރު ކޮށްފައި ވަނީ އަމްޖޭ އެވެ.
އަމްޖޭ ބުނީ އަންނަ މަހުގެ ތެރޭގައި ޝޫޓިން ފަށަން ތައްޔާރު ވަމުން އަންނަ ކަމަށެވެ.
"ޕޭޕަރ ވޯކްސް ތައް ހުރީ ނިމިފަ. ލީޑު ދެ ތަރިން އަދި މި އިއުލާން ކުރީ. ޝޫޓިން އަންނަ މަހުގެ ތެރޭގައި ފަށަން ނިންމާފައިވަނީ," އަމްޖޭ ބުންޏެވެ.
ސީރީޒް ބެލުންތެރިންނާ ހަމައަށް އަންނާނެ ކަމަށް ބެލެވެނީ އަންނަ އަހަރުގެ ތެރޭގައެވެ. އެކަމާއި ބެހޭ ގޮތުން އަމްޖޭ އަދި ވަކި އެއްޗެއް ނުބުނެއެވެ.
ކޮވިޑްގެ ބަލިމަޑު ކަމަށް ފަހު އަމްޖޭ ހެދި ފުރަތަމަ ސީރީޒް "ބްރިޖް" އަންނަ މަހުގެ 13 ވަނަ ދުވަހު ބައިސްކޯފުން ދައްކަން ފަށާނެއެވެ.
