އެދެމީހުން ކައިވެނި ކޮށްފައި މިވަނީ ލޯބީގެ ގޮތުން ގުޅިގެން އުޅޭތާ 11 އަހަރު ފަހުންނެވެ.
ބޮލީވުޑް ހަބަރުތައް ބުނާގޮތުން އެދެމީހުން ކައިވެނި ކުރީ އިއްޔެ އެވެ.
ރާޖްކުމާރު އާއި އަންހެނުންގެ ކައިވެނީގެ ބައެއް ފޮޓޯތައް ސޯޝަލް މީޑިއާގައި މިހާރު ދައުރުވަމުން އަންނަ އިރު ބޮލީވުޑްގެ ގިނަ ތަރިންނާއި އެދެމީހުންގެ ފޭނުން އަންނަނީ އެ ކައިވެންޏަށް މަރުހަބާ ކިޔަމުންނެވެ.
އުމުރުން 32 އަހަރުގެ ބަތަލާ ޕަޓްރާލޭހާ އަކީ ވެސް ފާހަގަކޮށްލޭ ފިލްމުތަކުން ފެނިފަައިވާ ފަންނާނެކެވެ. އެގޮތުން އޭނާ ކުޅެފައިވާ ބައެއް ފިލްމުތަކުގެ ތެރޭގައި "ސިޓީ ލައިޓް" އާއި "ބަދްނާމް ގާލީ" ހިމެނެ އެވެ.
ރާޖްކުމާރު އަންނަނީ ބޮލީވުޑަށް ނުކުތީންސުރެއް މޮޅު އެކްޓިންތަކެއް ހުރިހާ ފިލްމުތަކެއްގައި ވެސް ދައްކާ ބެލުންތެރިންގެ ހިތްތަކުން ޖާގަ ހޯދަމުންނެވެ.
އޭނާ ކުޅެފައިވާ ކާމިޔާބު ފިލްމުތަކުގެ ތެރޭގައި "ޑޯލީ ކީ ޑޯލި" އާއި "ސްޓްރީ" އަދި "މޭޑް އިން ޗައިނާ" އަކީ ބެލުންތެެރިންނަށް ވެސް ވަރަށް ކަމުދިޔަ ފިލްމުތަކެއް ކަން ފާހަގަކޮށްލެވެއެވެ.
