ސޯޝަލް މީޑިއާގެ ޕްލެޓް ފޯމްތަކުގައި ބޮޑު މަޝްހޫރު ކަމެއް ހޯދާފައިވާ ކޮމީޑިއަން މަޓޭއަކީ މުޖުތަމައުގެ އެކިއެކި މައްސަލަތައް، މަޖާ މޭރުމުން އެހެންނަމަވެސް ސީރިއަސް މެސެޖުތަކާއި އެކު ހޭލުންތެރިކަން އިތުރުކުރެވޭ ވީޑިއޯތައް އާއްމު ކުރަމުން އަންނަ މީހެކެވެ.
މަޓޭގެ ވީޑިއޯގައި ދައްކާފައިވަނީ އެފްއޭއެމްގެ ޓަރފް ދަނޑުތައް ހުންނަ ސަރަހައްދުގައި ހަދާފައި ހުންނަ ފާހާނައެވެ. މަޓޭގެ މި ފަހަރުގެ ވީޑިއޯ އާއްމުކޮށްފައިވަނީ ގައުމީ ޓީމުގެ ކުރީގެ ކުޅުންތެރިޔާ ފަރުހާދު އިސްމާއީލްއެވެ. ފަރޭއަކީ ވޭތިވެދިޔަ ފަނަރަ ވަރަކަށް އަހަރު ރާއްޖޭގައި ޓޮޕް ޑިވިޝަންގައި، ހުރިހާ ކުލަބަކަށް ހެން ކުޅެފައިވާ ކުޅުންތެރިއެކެވެ.
މި ފާހާނައަކީ ޓަރފް ދަނޑަށް ޕްރެކްޓިސް ކުރަން އަންނަ އެތައް ޒުވާނުންނަކާ އަދި އެކަޑަމީތަކަށް އަންނަ ތުއްތު ކުދިންވެސް ބޭނުންކުރާ ފާހާނައެވެ. އެކަމަކު މި ފާހާނައަކީ ސާފުތާރިރުކަމެ ކަންފުޅެއްވެސް ނެތް، އިންސާނުން ބޭނުން ކުރަން ހެޔޮވަރުވެސް ނުވާ ފަދަ ފާހާނާއެއްގެ ގޮތުގައިވަނީ ބެލެވިފައެވެ.