ދީޕިކާ މިހާރު މިވަނީ ސިދާތު އާނަންދުގެ ކުރިއަށް އޮތް "ސްޕައި ތްރިލާ ފައިޓާ" ފިލްމަށް ސޮއިކޮށްފަ އެވެ. އެ ފިލްމުގައި ދީޕިކާ އެކީ ފެނިގެންދާނީ ކުޅަދާނަ ބަތަލު ރިތިކް ރޯޝަން އެވެ.
އެކަމާ ގުޅިގެން ދީޕިކާ "ބޮލީވުޑް ހަންގާމާ" އަަށް ދިން އިންޓަވިއުއެއްގައި ވަނީ ރިތިކް އާއެކު މަސައްކަތްކުރުމާމެދު ދެކޭ ގޮތް ހިއްސާކޮށްފަ އެވެ.
ދީޕިކާ ބުނީ އަބަދުވެސް ރިތިކް އާއެކު މަސައްކަތް ކުރަން ބޭނުންވި ކަމަށެވެ. ނަމަވެސް އެކީގައި މަސައްކަތް ކުރަން ބަލާއިރު ގިނަ ކަންކަމަށް ބަލަން ޖެހޭ ކަމަށެވެ. އޭގެ ތެރޭގައި މަސައްކަތް ކުރާ ފިލްމުގައި ރަނގަޅު ސްކްރިޕްޓެއް އޮންނަން ޖެހޭ ކަމަށާއި، އަދި ރަނގަޅު ވަގުތެއް ވެސް އޮންނަ ކަމަށެެވެ. މިހާރު ރިތިކް އާއެކު މަސައްކަތް ކުރަން ލިބުމުން ވަރަށް އުފާވާ ކަމަށް ދީޕިކާ ބުނެއެވެ.
ސިދާތު އާންނަދު އާއެކު މީގެ ކުރިން ވެސް ދީޕިކާ މަސައްކަތްކޮށްފައިވެއެވެ. އެއީ ކޮމެޑީ ފިލްމު "ބަޗްނޭ އޭ ހަސީނޯ" އިންނެވެ.
ރިތިކް ވަނީ ދެ ފިލްމެއްގައި ސިދާތު އާއެކު މަސައްކަތް ކޮށްފަ އެވެ. އެއީ ފިލްމު "ބޭންގް ބޭންގް" އަދި ފިލްމު "ވ" އިންނެވެ.
ދީޕިކާ އަދި ރިތިކް އެކީ ފެނިގެންދާ ފިލްމު ފައިޓާ ވެގެންދާނީ އިންޑިއާގެ ފުރަތަމަ އޭރިއަލް އެކްޝަން ފްރެންޗައިޒް ފިލްމަށެވެ.
