ޅ.ނައިފަރުގައި އިމާރާތްކުރާ 100 ހައުސިން ޔުނިޓު ކައުންސިލާއި ހަވާލުކުރުމަށް ބޭއްވި ރަސްމިއްޔާތުގައި ވާހަކަދައްކަވަމުން މިނިސްޓަރު އަސްލަމް ވިދާޅުވީ، ވަކި ރަށެއް ނުބަލާ ތަފާތު ކުރުމެއްނެތި އެރަށަކަށް ބޭނުންވާ ކަންކަން ސަރުކާރުގެ ފުއްދުންތެރިކަން ހުރި މިންވަރަކުން ކުރިއަަށް ގެންދަމުންދާ ކަމަށެވެ.
ޅ. އަތޮޅު ހިންނަވަރަށް ވަޑައިގެންނެވުމުން އެރަަށު މީހަކު އެހި ސުވާލެއްގެ ވާހަކަ ހިއްސާކުރަމުން މިނިސްޓަރު އަސްލަމް ވިދާޅުވީ، ރާއްޖޭގެ އެކި ކަންކޮޅުތަކުގައި އުމްރާނީ ތަރައްގީގެ ބޮޑެތި ގިނަ މަސައްކަތްތައް ކުރަމުންދާ ގޮތާއިބެހޭ ގޮތުން އޭނާ ސުވާލުކުރި ކަމަށެވެ. އަދި އެކަމަށް ހަރަދުކުރަނީ ކިހިނެތްތޯއާއި، އެ މަޝްރޫއުތަކަށް ދޭނެ ލާރި އެބަހުރިތޯ އަދި ދެންތޯވެސް ސުވާލުކުރިކަމަށެވެ.
މިނިސްޓަރު އަސްލަމް ވިދާޅުވީ އެ ސުވާލާއިއެކު އެ ސުވާލުގެ ޖަވާބުވެސް އޭނާ ދިން ކަމަށެވެ.
މިމޭރުމުން ވާހަކަދައްކަމުން އަސްލަމް ވިދާޅުވީ، އެއީ ވަރަށް. ބޮޑު ތެދެއްކަމަށާއި، މަސައްކަތް ކުރަމުންދަނީ ވަރަށް އަމާނާތްތެރިކަމާއިއެކު ކަމަށެވެ.
އެގޮތުން ދައުލަތުގެ ލޯލާރިއެެއްގައިވެސް ޖެހިފައި ނުވާނެކަމަށާއި، 24 ގަޑިއިރު ތިބެނީ ރައްޔިތުންގެ ހިދުމަތުގައި ކަމަށެވެ.
މިނިސްޓަރު އަސްލަމް އިތުރަށް ވިދާޅުވީ ރާއްޖެއަކީ އަދި ތަރައްގީވަމުން އަންނަ ގައުމެއް ކަމަށާއި، ތަރައްގީގެ މަގުގައި ދާން އޮތް ރާސްތާ ވަރަށް ދިގު ކަމަށެވެ.
